Մարտի 27-ին, ժամը` 13:00-ին, Թատրոնի միջազգային օրվան ընդառաջ «Ազդակ» լրագրողական ակումբի (հասցե` Բաղրամյան 59, 3-րդ հարկ, հեռ. 077-57-79-15) հյուրերն են Երևանի Պատանի հանդիսատեսի պետական թատրոնի գեղարվեստական ղեկավար Դավիթ Հարությունյանը և Գորիսի Վ. Վաղարշյանի անվան թատրոնի տնօրեն Շանթ Հովհաննիսյանը:
Բանախոսները կանդրադառնան մասնագիտական տոնին, ոլորտի խնդիրներին եւ ունեցած ձեռքբերումներին:
***
Մարտի 27-ին, ժամը 12:00 Տնտեսական զարգացման եւ ներդրումների նախարարությունում տեղի կունենա Շուկայի վերահսկողության տեսչական մարմնի ղեկավար Լեւոն Խալիկյանի մամուլի ասուլիսը։
Կներկայացվեն բենզինի, գազի, կոսմետիկայի, խաղալիքների եւ այլ ոլոտներում 2017-ին իրականացված ստուգումների արդյունքները, կամփոփվի տեսչական մարմնի նախորդ տարվա գործունեությունը, տեղի կունենա մարմնի նոր կայքի շնորհանդեսը։
***
Մարտի 27-ին և 28-ին ՀՀ Գիտությունների ազգային ակադեմիայում տեղի կունենա տարեկան ընդհանուր ժողովը:
Մարտի 27-ին տեղի կունենան ՀՀ ԳԱԱ-ի Մաթեմատիկական և տեխնիկական գիտությունների, Ֆիզիկայի և աստղաֆիզիկայի, Բնական գիտությունների, Քիմիական և Երկրի մասին գիտությունների, Հայագիտության ևհասարակական գիտությունների բաժանմունքների տարեկան ընդհանուր ժողովները: Բաժանմունքների 2017թ-ի գիտական և գիտակազմակերպական գործունեության հիմնական արդյունքները կներկայացնեն բաժանմունքների ակադեմիկոս-քարտուղարները: Կքննարկվեն 2017թ-ի գործունեության արդյունքները և կներկայացվեն գիտական զեկուցումներ:
Մարտի 28-ին տեղի կունենա ՀՀ ԳԱԱ-ի տարեկան ընդհանուր ժողովը, որի ընթացքում ՀՀ ԳԱԱ 2017 թ-ի գիտական գործունեության հիմնական արդյունքների մասին զեկուցումով հանդես կգա ՀՀ ԳԱԱ նախագահակադեմիկոս Ռադիկ Մարտիրոսյանը: ՀՀ ԳԱԱ 2017թ-ի գիտակազմակերպական գործունեության մասին կզեկուցի ՀՀ ԳԱԱ ակադեմիկոս-քարտուղար թղթակից անդամ Հրանտ Մաթևոսյանը: Տարեկան ժողովում ՀՀ ԳԱԱ թղթակից անդամ Պավել Ավետիսյանը կներկայացնի «Քաղաքակրթությունների և ժամանակների խաչմերուկում. Հայաստանն ըստ նորահայտ հնագիտական տվյալների» գիտական զեկուցումը:
***
Մարտի 27-ին ժամը 12:00-ին «Պոստ Սկրիպտում» մամուլի ակումբում «Ծառուկյան» խմբակցության պատգամավոր Սերգեյ Բագրատյանը կխոսի երկրի ներկա տնտեսական վիճակի և սպառողական զամբյուղի մասին, ինչպես նաև կանդրադառնաառաջիկայում սպասվող թանկացումներին:
***
Մարտի 27-ին, ժամը 12.00-ին «Անդրադարձ» մամուլի ակումբի հյուրերն են դերասան Լեւոն Հարությունյանը եւ ռեժիսոր, ՀՀ ժողովրդական արտիստ Նիկոլայ Ծատուրյանը:
Թեման` Մարտի 27-ը թատրոնի միջազգային օրն է: Թատրոնի դերը հայ մշակութային-հասարակական կյանքում, հայ բեմի մերօրյա մշակներն ու ազգային արժեքների պահպանման գործում նրանց ներդրումը, թատրոնի այսօր ու վաղը:
***
Մարտի 27-ին ժամը 12 00 Հայացք մամուլի ակումբի հյուրերն են ՀՀ ՄՆ «Պատմամշակութային արգելոց-թանգարանների և պատմական միջավայրիպահպանության ծառայություն» ՊՈԱԿ գիտաշխատող, ազգագրագետ Խորեն Գրիգորյանը և ԱՀԹ Բյուրավանի Ս. Գրիգոր Լուսավորիչ եկեղեցու հոգևոր հովիվ Տ. Ղազար քահանա Պետրոսյանը:
Թեման` Քրիստոսի երկրային կյանքի վերջին շաբաթը՝ Ավագ շաբաթվա խորհուրդը: Տարբեր ժամանակաշրջաններում, տարբեր հայկականգավառներում, ինչպես են նշել Սուրբ Հարության տոնը և ինչ կերակրատեսակներ են օգտագործել:
***
ՄԱՐՏԻ 27-ին` ժամը 11:00-ին, «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Ամալյա Եղոյան ասուլիսը:
ԹԵՄԱ – Տեղեկատվական տեխնոլոգիաների 2017 թվականի ձեռքբերումները. 2018 թվականի ծրագրերը:
.gif)
