Մեկ կուսակցական համակարգը վտանգում է խորհրդարանական ժողովրդավարությանը նոր Սահմանադրությամբ: Այս մասին System of a Down խմբի երգիչ, աշխարհահռչակ Թանկյանը իր ֆեյսբուքյան էջում գրառում է կատարել` անդրադառնալով Երևանում «Մերժի՛ր Սերժին, քայլ արա» բողոքի ակցիաներին:
«Մեկ կուսակցական համակարգը վտանգում է խորհրդարանական ժողովրդավարությանը նոր Սահմանադրությամբ: Պուտին-Մեդվեդևի երաժշտական աթոռների սցենարի ձևով տեսնում ենք, որ նախկին նախագահը (նորը վերջերս խորհրդարանի կողմից է նշանակվել) փոխել է իր մտքերը և որոշել է վերցնել վարչապետի նորաստեղծ պաշտոնը՝ նույն իշխանությունների հետ:Նա ազգային անվտանգության խնդիրների պատճառն է եղել, բայց մի քիչ անհավատալի է, որ նա հանրապետականների կողմից ներկայացվում է որպես հայր: Հիմա բողոքի ցույցերը տեղի են ունենում խորհրդարանում մնացած միակ իրական ընդդիմադիր կուսակցության՝ «Ելք» դաշինքի կողմից:
Նրանք կոչ են անում փողոցային բողոքների դիմել: Ես գնահատում եմ, որ բողոքները խաղաղ են, քանի որ այս փրկված Հանրապետությունը չի կարող այլևս արյունահեղություն թույլ տալ: Այս երկիրը չի կարող իրագործել իր լիակատար ներուժը, քանի դեռ քաղաքացիները զանգվածային աշխատանքային գործադուլներով իրենց իրավունքներն ու արժանապատվությունը չպահպանեն, ինչպիսին էր Ղարաբաղյան պատերազմի նախօրեին:
Քաղաքացիական անհնազանդությունը նման է կախարդանքի, երբ բավականաչափ մարդիկ են մասնակցում: Դա պատմության ամենահզոր զենքերից մեկն է:
Իմ սիրտը և սերը ուղղում եմ բոլոր նրանց, ովքեր պայքարում են բարգավաճ ապագայի համար»,- գրել է Սերժ Թանկյանը իր էջում:
.gif)
