ՖՈՏՈ. Գյումրիում քաղաքապետ են ընտրում

Գյումրու ավագանու 12 անդամը, ովքեր ամվստահություն էին հայտնել քաղաքապետ Սամվել Բալասանյանին, այսօր նոր քաղաքապետ են ընտրելու։ Բայց ընտրությունը շինծու է, քանի որ բալասանյանականները կրկին նախապատվությունը Սամվել Բալասանյանին են տալու` այդ կերպ տապալելով ընդդիմության հակաբալասանյանական ծրագիրը։

Ամենայն հավանականությամբ նիստը բոյկոտելու փորձեր կարվեն, դաշիքնի ամբողջ կազմը ամենայն մանրամասնությամբ դիտարկել է հնարավոր վտանգներն ու խնդիրների լուծման տարբերակներ մշակել: Եթե նիստը կայանա և դաշինքի ծրագիրը իրականացվի, ապա եւս մեկ տարի Սամվել Բալասանյանը կլինի անձեռնամխելի, կշարունակի ղեկավարել Գյումրին, հակառակ պարագայում դժվար է ուրվագծել ինչպիսի վերադարսավրումներ ու զարգացումներ կլինեն:

Հիշեցնենք, որ Գյումրու ավագանու Բալասանյան դաշինքի 17 անդամից տասը, Հայկական վերածնունդ խմբակցության 4 անդամից մեկը եւ Բարգավաճ Հայաստան խմբակցության 4 ավագանու անդամից մեկը Գյումրու քաղաքապետ Սամվել Բալասանյանին անվստահություն հայտնելու համար ավագանու նիստ հրավիրելու նախաձեռնությամբ էին ներկայացել: Նախաձեռնող խումբը համայնքի ղեկավարի թեկնածու է առաջադրել Գյումրու ավագանու անդամ Տիգրան Հովհաննիսյանին: Ընդդիմությունն էլ իր հերթին իր ծրագիրն է մշակել: Այսօր ընդդիմությունը որեւէ քայլ չի կատարելու՝ կլինի դիտողի դեորւմ, բայց առաջիկայում հանդես կգա հայտարարությամբ: Ընդդիմադիր երեք քաղաքական ուժը հայտարարել են, որ ժողովրդի իշխանությունը վերադարձվելու է ժողովրդին: