Հունիսի 1-ի միջոցառումներ

Հունիսի 1-ը երեխաների իրավունքների պաշտպանության միջազգային օրն է:

«Երեխաների իրավունքների եւ շահերի պաշտպանությունն ու ապահովումը Հայաստանում. խնդիրներ, մտահոգություններ եւ լուծումներ» թեմայի շրջանակներում հունիսի 1-ին, ժամը 12.00-ին «Անդրադարձ» մամուլի ակումբում կհյուրընկալվեն ՀՀ աշխատանքի եւ սոցիալական հարցերի նախարարության երեխաների հիմնահարցերի բաժնի պետ Լենա Հայրապետյանը, ՄԻՊ երեխաների իրավունքների պաշտպանության բաժնի պետ Էդուարդ Իսրայելյանը եւ Երեխաների պաշտպանության ցանցի նախագահ Աիդա Մուրադյանը:

***

Հունիսի 1-ին  ժամը 12 00 Հայացք մամուլի ակումբի հյուրերն են «Կովկաս» ինստիտուտի գիտաշխատող, քաղաքագետ Հրանտ Միքայելյանը և Ջավախք բարեգործական հիմնադրամի նախագահ Արտյուշ Գրիգորյանը:

Թեման՝ ՀՀ Վարչապետ Նիկոլ Փաշինյանի այցը Վրաստան, ՀՀ առաջին դեմքի աննախադեմ այցելություն Ջավախք:

***

Մայիսի  1-ին՝  ժամը 12:00-ին,  «Հենարան»  մամուլի ակումբում  կհյուրընկալվի Միջազգային եւ անվտանգության հարցերի հայկական ինստիտուտի փորձագետ Ռուբեն Մեհրաբյանը:
ԹԵՄԱ՝   Արցախում թավշյա հեղափոխություն իրականացնելու նպատակով ստեղծվել է  «Լույս Արցախին» նախաձեռնությունը.նման նախաձեռնության ներքաղաքական լարվածության վտանգներն ու հետեւանքները. սահմանային լարվածություն /Նախիջևան եւ Արենի/:

***

Հունիսի 1-ին, ժամը 16:00-ին «Մեդիա կենտրոնում» տեղի կունենա հանդիպում «թավշյա հեղափոխության» ակտիվ մասնակից, «Իմ քայլը» նախաձեռնության անդամ, Երևանի ավագանու «Ելք» խմբակցության  անդամ Զառա Բաթոյանի հետ:

Զառա Բաթոյանը Երևանի ավագանու անդամ է ընտրվել 2017թ. մայիսի 14-ի ընտրություններին և «Քաղաքացիական պայմանագիր» կուսակցության վարչության անդամ է: Մինչ քաղաքական գործունեություն ծավալելը, Զառա Բաթոյանը  աշխատել է հասարակական ոլորտում և զբաղվել հաշմանդամություն ունեցող անձանց խնդիրներով:  Նա ակտիվ մասնակցություն է ունեցել բազմաթիվ քաղաքացիական շարժումներում և բողոքի ակցիաներում:

Հադիպմանը Զառա Բաթոյանը կկիսվի քաղաքացիական ակտիվիզմի իր փորձով, կներկայացնի քաղաքական անցած ճանապարն ու հետագա քայլերը:

Հանդիպումը բաց է լինելու քաղաքացիների և ԶԼՄ-ների համար: