Հարց քաղաքացիներից` բուքմեյքերական գործունեության համար հաստատագրված վճար պե՞տք է վճարել

ՀԱՐՑ. Ուզում եմ իմանալ` բուքմեյքերական գործունեություն իրականացնելու համար արդյոք հաստատագրված վճար պե՞տք է վճարել:

Հովհաննես Պետրոսյան (47 տարեկան)

ՊԱՏԱՍԽԱՆ. «Հաստատագրված վճարների մասին» Հայաստանի Հանրապետության օրենքի 86.2 հոդվածի դրույթներով` Վիճակախաղերի կազմակերպման համար հաստատագրված վճար վճարողներ են հանդիսանում`

ա) խաղարկությունով եւ ոչ խաղարկությունով, ինչպես նաեւ համակցված վիճակախաղերի կազմակերպիչները.

բ) տոտալիզատորի կազմակերպիչները.

գ) անմիջականորեն (խաղասրահում) եւ (կամ) ինտերնետ կամ նմանօրինակ ցանկացած գլոբալ համակարգի եւ ցանկացած համակարգված ցանցային կապուղիների միջոցով ինտերնետ տոտալիզատորի կազմակերպիչները:

ՀՀ ԿԱ պետական եկամուտների կոմիտե

«ԺՈՂՈՎՈՒՐԴ». Տեղեկացնենք, որ «Հաստատագրված վճարների մասին» ՀՀ օրենքի 79-րդ հոդվածի համաձայն` խաղատների գործունեության կազմակերպման համար հաստատագրված վճարի ամսական չափը որոշում է ելակետային տվյալի 5.000.000-ապատիկի չափով` դրամական արտահայտությամբ: