ArmLur.am-ն արդեն հայտնել է, որ «Ծառուկյան» խմբակցության պատգամավոր Մերուժան Սիմոնյանը հայտարարել է մանդատը վայր դնելու մասին: ArmLur.am-ի հետ զրույցում խմբակցության անդամ Նաիրա Զոհրաբյանը հայտնեց, թե իրենք հորդորել են Սիմոնյանին հետ վերցնել այդ դիմումը:
«Ես կարծում եմ, որ մեր գործընկեր Մերուժան Սիմոնյանը կընդունի մեր հորդորը և հետ կվերցնի պատգամավորական մանդատից հրաժարվելու իր դիմումը: Հիմա չեմ ցանկանում այլ բան ասել. յուրաքանչյուր կուսակցությունում էլ լինում են փոքր խնդիրներ, բայց Սիմոնյանը մեր ամենաառանցքային անդամներից է, և ես շատ պետք է հորդորեմ նրան օրենքով սահմանված կարգով հետ վերցնել դիմումը»,- նշեց նա:
Դիտարկմանը՝ մամուլում հրապարակում եղավ, թե նեղացվածության պատճառը Սյունիքի մարզպետի պաշտոնը չստանալն է, Նաիրա Զոհրաբյանը նշեց. «Մերուժան Սիմոնյանը երբևէ պաշտոնի կռիվ չի արել, ես դա Ձեզ վստահեցնում եմ: Ես հիմա չեմ ցանկանում ավելին ասել»:
.gif)
