ՏԵՍԱՆՅՈՒԹ. Այն, որ ես Փաշինյանի հարևանն եմ, ծիծաղելի փաստ է. Ստանիսլավսկիում գեղղեկավար են ընտրում, կրքերը լարված են

Կ.Ստանիսլավսկու անվան ռուսական դրամատիկական թատրոնը նախկին գեղարվեստական ղեկավար երջանկահիշատակ Ալեքսանդր Գրիգորյանի մահից հետո տևական ժամանակ գեղարվեստական ղեկավար չուներ: Այժմ արդեն այդ պաշտոնը զբաղեցնելու համար պայքարում են նույն թատրոնի դերասան Ռոբերտ Հակոբյանը և Ալեքսանդր Գրիգորյանի դուստրը՝ ռեժիսոր Նորա Գրիգորյանը:

ArmLur.am-ը զրուցել է պարոն Հակոբյանի հետ: Վերջինս նշել է, որ դեմ է թատրոնում կլանային համակարգի ձևավորմանն ու հորից դուստր պաշտոնի փոխանցմանը: Բացի այդ` նրա խոսքով` Նորա Գրիգորյանը այդ պաշտոնը ստանձնելու համար չունի բավարար մասնագիտական հմտություններ և փորձ: Դերասանը շեշտել է, որ վերջին տարիներին նկատում է թատրոնի ներկայացումների որակական զգալի անկում և, տեսնելով, որ իր շրջապատում ոչ ոք չի ցանկանում գեղարվեստական ղեկավարի պաշտոնի բեռը իր ուսերին վերցնել, որոշել է ինքը առաջադրվել: Պարոն Հակոբյանը հույս ունի, որ մշակույթի նախարար Լիլիթ Մակունցը կայցելի թատրոն և կլսի անձնակազնի անդամների տեսակետները:

Մանրամասները` ArmLur.am-ի տեսանյութում:

Աննա Բաբաջանյան, Հովսեփ Հովսեփյան