Երեկ տեղական ինքնակառավարման մարմինների հերթական ընտրություններ են անցկացվել Արագածոտնի, Արարատի, Արմավիրի, Գեղարքունիքի, Լոռու և Կոտայքի մարզերի 18 համայնքում: Թեկնածուները հիմնականում անկուսակցական և ինքնաառաջադրված են եղել:
Որոշ համայնքներում վերընտրվել են համայնքի գործող ղեկավարները: Օրինակ, Կոտայքի Գետամեջ համայնքում ընտրվել է գործող համայնքապետ Ավետիս Մուրադյանը: Լոռու Անտառաշեն համայնքում ընտրվել է միակ թեկնածու` գործող համայնքապետ, Ռաֆիկ Խարատյանը, Տորֆավան համայնքում ևս ընտրվել է միակ թեկնածու` գործող համայնքապետ, Ահարոն Խաչատրյանը:
Իսկ ահա Արագածոտն մարզի Դպրեվանք համայնքում վերընտրվել է գործող անկուսակցական համայնքապետ Արամայիս Կասաբովը: Անտառուտ համայնքում ևս ընտրվել է գործող համայնքապետ` ՀՀԿ-ական Զաքարյան Հովիկը: Իսկ Դավթաշեն համայնքում էլ առաջադրված երկու անկուսակցական թեկնածուներից ընտրվել է Գևորգ Հովհաննիսյանը: Նոր Արթիկ համայնքում համայնքապետի պաշտոնի համար պայքարել են ՀՀԿ-ական Թաթուլ Գրիգորյանը և ԲՀԿ-ական Վարդգես Ներսիսյանը. հաղթել է վերջինս:
Արարատի մարզի Այգեզարդ համայնքում համայնքապետ է ընտրվել անկուսակցական Ալբերտ Ավետիսյանը, իսկ ՔՊ ներչկայացուցիչ թեկնածուն ստացել է ընդամենը 25 քվե: Գոռավան համայնքում համայնքապետ է ընտրվել Արսեն Բազիկյանը, կրկին անկուսակցական:
.gif)
