Փետրվարի 12-ին ՀՀ ՊՆ վարչական համալիրի մամուլի սրահում տեղի կունենա ՀՀ պաշտպանության նախարար Դավիթ Տոնոյանի և պաշտոնական այցով Հայաստան ժամանող Կիպրոսի Հանրապետության պաշտպանության նախարար Սավաս Անգելիդիսի համատեղ մամուլի ասուլիսը: Ասուլիսին կարող են մասնակցել ՀՀ ՊՆ-ում հավատարմագրված լրատվամիջոցների ներկայացուցիչները: Մուտքը ՀՀ ՊՆ վարչական համալիրի տարածք փետրվարի 12-ին` ժամը 10.45-ից 11.00-ն:
***
Փետրվարի 12-ին` ժամը 11:00-ին կգումարվի Երևան քաղաքի ավագանու 2-րդ նստաշրջանի 1-ին նիստը Համաձայն Երևան քաղաքի ավագանու կանոնակարգի 26-րդ կետի` 2019 թվականի փետրվարի 12-ին` ժամը 11:00-ին, գումարվելու է Երևան քաղաքի ավագանու 2-րդ նստաշրջանի 1-ին նիստը:
***
Փետրվարի 12-ին ժամը 12:00 Փաստարկ մամուլի ակումբի հյուրերն են Էկոնոմգազսերվիս ՍՊԸ հիմնադիր տնօրեն Դանիել Զաքարյանը և փաստաբան Արսեն Թարվերդյանը: ԹԵՄԱ՝ Ներտնային գազասպասարկան ոլորտում առկա հիմնախնդիրների մասին:
Ժամը 13:00՝ քաղաքագետ Սերգեյ Շաքարյանցը: ԹԵՄԱ՝ Տարածաշրջանային զարգացումների շուրջ:
***
Փետրվարի 12-ին՝ ժամը 11:00-ին, «Պոստ Սկրիպտում» մամուլի ակումբում առաջնորդանիստ Ս. Սարգիս եկեղեցու հոգեւոր հովիվ Տեր Եսայի քահանա Արթենյանը կխոսի Սուրբ Սարգիս տոնի, որը նշվելու է փետրվարի 16-ին, ժողովրդական սովորույթների եւ նախատեսվող տոնակատարությունների մասին:
***
Փետրվարի 12-ին՝ ժամը 12:00-ին , «Հենարան» մամուլի ակումբում կհյուրընկալվեն «Ժողովրդի ձայնը» հասարակական ակումբի փորձագետներ Արման Ղուկասյանը և Ծովինար Կոստանյանը:
ԹԵՄԱ՝ «Սորոս» հիմնադրամի ֆինանսավորման ծավալները որպես գործիք Հայաստանի և՛ ներքին, և՛ արտաքին, և՛ քաղաքական օրակարգի խոչընդոտմանը. Հայաստանում օտարերկրյա դրամաշնորհները որոշ հասարակական ուժերի կողմից ծառայում են ապակառուցողական քաղաքականությանը:
.gif)
