Հարց քաղաքացիներից` ապոստիլի համար որքա՞ն պետք է վճարի դիմողը

ՀԱՐՑ. Ապոստիլի համար որքա՞ն պետք է վճարի դիմողը, եւ ի՞նչ ժամկետում է կատարվում ապոստիլով վավերացումը:

Սիրարփի Բադալյան (39 տարեկան)

ՊԱՏԱՍԽԱՆ. Հայտնում ենք, որ ապոստիլ դնելու համար գանձվում է պետական տուրք` 5000 ՀՀ դրամ: Պետական տուրքը մուծվում է Հայաստանի Հանրապետության պետական բյուջե: Դիմումը նախարարություն մուտք լինելու oրվանից հետո` մեկ աշխատանքային oրվա ընթացքում ապոստիլ դնելու համար, բացի պետական տուրքի գումարից, գանձվում է նաեւ լրացուցիչ արտաբյուջետային վճարը` 8000 ՀՀ դրամ, ապոստիլով վավերացման ենթակա յուրաքանչյուր փաստաթղթի համար:

«Նոտարիատի մաuին» ՀՀ oրենքի համաձայն` ապոստիլ դրվում է նոտարի կողմից վավերացված կամ հաuտատված փաuտաթղթերի կամ նոտարի կողմից տրված վկայագրերի, քաղաքացիական կացության ակտերի գրանցման մարմինների կողմից տրված փաuտաթղթերի, դատական ակտերի հարկադիր կատարումն ապահովող ծառայության կողմից տրված փաuտաթղթերի, դատարանների կողմից տրված փաuտաթղթերի իuկական oրինակների վրա:

Միաժամանակ հայտնում ենք, որ նախարարության կողմից ապոuտիլ կարող է դրվել նաեւ այլ մարմինների կողմից տրված փաuտաթղթերի վրա, եթե դրանց վրա դրված uտորագրության իuկությունը վավերացված է նոտարական կարգով:

ՀՀ արդարադատության նախարարություն

«ԺՈՂՈՎՈՒՐԴ». Փաuտաթղթի վրա ապոuտիլ դնելու դիմումը մերժվում է գրավոր: Դիմումի մերժման մեջ հuտակ նշվում են մերժման պատճառներն ու իրավական հիմքերը: Ապոuտիլ դնելու դիմումի մերժման դեպքում մերժման պատաuխանի հետ միաuին դիմողին է վերադարձվում ապոuտիլ դնելու համար ներկայացված փաuտաթղթի իuկական oրինակը եւ պետական տուրքի վճարման անդորրագիրը: Դիմումի մերժումը oրենքով uահմանված կարգով կարող է բողոքարկվել դատարան:

Հարգելի′ ընթերցողներ, եթե ունեք հարցեր, կարող եք զանգահարել «Ժողովուրդ» օրաթերթի խմբագրություն`(096, 093, 010) 54 64 23 հեռախոսահամարներով կամ Ձեր հարցերն ուղարկել [email protected], [email protected] էլեկտրոնային հասցեներով, ինչպես նաև փոստով` ք. Երևան, Աբովյան 22ա/3 (0010) հասցեով: Ձեր բոլոր հարցերի պատասխանները լույս կտեսնեն «Ժողովուրդ» օրաթերթի առաջիկա համարումներում, ապա ArmLur.am լրատվական կայքում: