Արդեն երկու օր է` հուլիսի 27-ին ու 28-ին Ադրբեջանի զինված ուժերը ՀՀ պետական սահմանի հյուսիս-արեւելյան (Նոյեմբերյանի) հատվածում դիպուկահարների ներգրավմամբ իրականացրել է սադրիչ գործողություններ, որի հետևանքով կա զոհ և երկու վիրավոր:
Այս առնչությամբ ArmLur.am-ը զրուցել է Տավուշի մարզպետ Հայկ Չոբանյանի հետ:
–Պարո’ն Չոբանյան, արդեն երկու օր է ՀՀ պետական սահմանի հյուսիս-աևելյան հատվածում դիպուկահարների ներգրավմամբ իրականացրել է սադրիչ գործողություններ, որի հետևանքով կա զոհ և երկու վիրավոր: Որպես մարզի ղեկավար ի՞ նչ տեղեկություններ ունեք, հետևո՞ւմ եք արդյոք սահմանում տիրող կիրավիճակին:
-Խնդրում եմ կապվեք Պաշտպանության նախարարության լրատվականի հետ և իրենք Ձեզ պաշտոնական տեղեկություններ կտան վիրավորների վերաբերյալ:
-Իսկ որպես մարզպետ չե՞ք հետաքրքրվել Տավուշում առկա իրավիճակի մասին:
-Դուք գիտեք, չէ որ հենակետերը մարզի կառավարման շրջանակում չեն, եթե դեպքը տեղի ունեցած լիներ համայնքում ես կասեի, թե ինչ եմ պատրաստվում անել, բայց քանի որ դեպքը տեղի է ունեցել հենակետում, որը բացառապես Պաշտպանության նախարարության իրավասության տակ է գտնվում, և ինչ-որ կատարվել է հենակետում դրա մասին օբյեկտիվ ինֆորմացիա ունի բացառապես Պաշտպանության նախարությունը: Բնականաբար և տեղեկատվություն ունեմ, բայց իրավասություն չունեմ Ձեզ փոխանցելու:
Լիդա Եղիազարյան
.gif)
