«Ականջներ ծամելու» սպառնալիքի հետևանքները. քրոջից վախեցած պատգամավորը «կասկայով» կշփվի

«Ժողովուրդ» օրաթերթը տեղեկացրել էր, որ ԱԺ-ում ստեղծվել է Արարատի եւ Արմավիրի մարզերում ՀՀ տարածքային կառավարման եւ ենթակառուցվածքների նախարարության Ջրային կոմիտեի, դրա կառուցվածքային ստորաբաժանումների եւ ջրային տնտեսության ծրագրերի իրականացման գրասենյակի գործունեության արդյունավետությունն ուսումնասիրող Քննիչ հանձնաժողով: Ու, ըստ մեր տեղեկությունների, հանձնաժողովը բավականին երկար ժամանակ է` անգործության է մատնված, միայն սեպտեմբերի 24-ին է մեկ նիստ հրավիրել: Մեր աղբյուրների փոխանցմամբ`հանձնաժողովում դեռ չենկողմնորոշվում`ինչից սկսել, ինչ անելու, ընդհանրապես, ինչպիսի օրակարգով աշխատել:

Խնդիրն այն է, որ հանձնաժողով ստեղծելու գաղափարը եղել է ԱԺ «Իմ քայլը» խմբակցության պատգամավոր Վարազդատ Կարապետյանինը, սակայն իմքայլականները նպատակահարմար չեն համարել նրան այդ պաշտոնում նշանակել, ինչի համար էլ հանձնաժողովի ղեկավար է նշանակվել Ծովինար Վարդանյանը, որը, կարծես թե, այդքան էլ չի տիրապետում իրավիճակին: Ու դա է պատճառը, որ դեռեւս ամիսներ առաջ ստեղծված հանձնաժողովը նոր է որոշել քնածվիճակից դուրս գալ ու գոնե նիստ հրավիրել: Իսկ ինչ վերաբերում է Վ. Կարապետյանին «բլոկ» անելու իմքայլականների դիրքորոշմանը, ապա,ըստ շրջանառվող տեղեկությունների, այն կապված է խմբակցությունում մեծամասնության դիրքորոշումը չկիսելու հետ:

Ինչեւէ, երեկ «Ժողովուրդ» օրաթերթն այս առիթով զրուցել է ԱԺ «Իմ քայլը» խմբակցության պատգամավոր, Արարատի եւ Արմավիրի մարզերում ՀՀ տարածքային կառավարման եւ ենթակառուցվածքների նախարարության Ջրային կոմիտեի, դրա կառուցվածքային ստորաբաժանումների եւ ջրային տնտեսության ծրագրերի իրականացման գրասենյակի գործունեության արդյունավետությունն ուսումնասիրող Քննիչ հանձնաժողովի նախագահ Ծովինար Վարդանյանի հետ:

-Տիկի՛ն Վարդանյան,Դուք ղեկավարում եք Արարատի եւ Արմավիրի մարզերում ՀՀ տարածքային կառավարման եւ ենթակառուցվածքների նախարարության ջրային կոմիտեի, դրա կառուցվածքային ստորաբաժանումների եւ ջրային տնտեսության ծրագրերի իրականացման գրասենյակի գործունեության արդյունավետությունն ուսումնասիրող քննիչ հանձնաժողովը, որը շատ պասիվ է ու, կարծես թե, որեւէ աշխատանք չի իրականացնում: Ո՞րն է խնդիրը, ի՞նչ փուլում եք, ի՞նչ աշխատանքներ եք իրականացնում:

-Նիստեր գումարվել են, բայց հիմնական աշխատանքները տարվում են մասնագետների հետ: Նախ ուզում եմ նշել, որ հանձնաժողովի գլխավոր նպատակըիր վերջնական արդյունքն է, որը ջրերի… ճիշտ է հիմա երկու մարզ է վերցրած, այդ ջրերի արդյունավետ կառավարման հասնելն է: Սա մերքննիչ հանձնաժողովի հիմնական նպատակն է: Հանդիպումներ, տարբեր մասնագետների, միջազգային կառույցների հետտեղի են ունենում բավականին ակտիվ ձեւով: Նաեւ հանդիպումներ ենքունենում մայր օրենքի հեղինակների հետու նաեւ այն կառույցերի հետ, ովքեր ներդրումներ են արել,ու այդ ամբողջի արդյունքում պետք է մշակվի ռազմավարություն` ջրային ռեսուրսների արդյունավետ կառավարման, իսկ ջուրն այն ամենակարեւոր բանն է, որը առնչություն ունի բոլոր գերատեսչությունների հետ` դա լինի Էկոնոմիկայի նախարարություն, դա լինի բնապահպանություն, էներգետիկ ոլորտ:

-Իսկ Ձեր հանդիպումներից այս ժամանակահատվածում, հանձնաժողովի կատարած ուսումնասիրությունից ի՞նչ եզրակացության եք եկել, արդյոք առաջիկայում այդ ոլորտի բացթողումների արդյունքում պատժվողներ կլինե՞ն:

-Մեր գլխավոր նպատակը պատժիչ գործողություններըչեն, մեր նպատակը արդյունավետ կառավարման մոդելիստեղծումն է.օրենսդրական փոփոխություններ կներկայացնենք ԱԺ:Մենք այս աշխատանքի արդյունքում նաեւ ՋՕ-երի պետերի հետ ենք հանդիպում, նրանց կատարած աշխատանքին ենք ծանոթանում, ջրային կոմիտեի,ու եթե այս աշխատանքների ընթացքում կոնկրետ չարաշահում կհայտնաբերվի, որովհետեւ արդեն տարբեր տեղերում քրեական գործեր կան հարուցված, միանշանակ կարող է եւ այդպես լինել.ի՞նչ կարող եմ ասել: Եթե ընթացքում կլինեն չարաշահումների հայտնաբերումներ, բնականաբար, կլինեն նաեւ պատժվողներ:

-Ըստ շրջանառվող տեղեկությունների` Ձեր խմբակցությունում տարաձայնություն է եղել հանձնաժողովի նախագահի հարցի շուրջ, քանի որ այս հանձնաժողովի ստեղծման գաղափարի հեղինակը ի սկզբանե եղել է պատգամավոր Վարազդատ Կարապետյանը, բայց նրա հետխմբակցության ունեցած տարակարծությունների պատճառով խմբակցությունում որոշել են Ձեզ նշանակել այդ պաշտոնում: Ճի՞շտ է այս տեղեկությունը:

-Նման բան չկա, ես չգիտեմ`ինչ ինֆորմացիա է դա, հանձնաժողովի ստեղծման մասին մեր խմբակցությունում խոսվել է մեր տարբեր անդամների կողմից, իսկ Վարազդատ Կարապետյանն առաջադրել է իմ թեկնածությունը, այնպես որ ոչ մի տարաձայնություն չկա:

-Տիկի՛ն Վարդանյան, Ձեր հարազատ քույրը` Երևանի ավագանու «Իմ քայլը» խմբակցության անդամ Նուարդ Վարդանյանը, նախօրեին իր ֆեյսբուքյան էջում հանդես եկավ մի սպառնալիքով: Ավագանու անդամը հայտարարել էր. «Ես`որպես 90-ականների երեխա, ով էդ սարսափի մեջ է մեծացել, թույլչեմ տալու, որ զարմուհիս ու մնացած մեր երեխաները դա ապրեն: Անհրաժեշտության դեպքում հատ-հատ բոլորիդ ականջները կծամեմ»: Դուք խոսե՞լ եք իրհետ այս հարցի շուրջ, ինչո՞ւ է Ձեր քույրը նման արտահայտություններ հնչեցնում:

-Ոչ միայն տեղյակ եմ այդ հայտարարության մասին, նաեւ շատ վախեցած եմ: Ես երեւի կասկայով շփվեմ քրոջս հետ (Ծիծաղում է Ս. Գ.):

-Ինչո՞ւ, Դուք է՞լ եք վախեցել Ձեր քրոջ հայտարարությունից:

-Իսկ կան մարդիկ, որ վախենո՞ւմ են: Ճիշտն ասած, քրոջս չեմ հանդիպել, բայց ես կարծում եմ, որ ավելի լուրջ բաներ կան քննարկելու: Ես կարծում եմ` հայտարարության մեջ ամեն ինչ պարզ ասված է. եթե կան մարդիկ, որ մտածում են, թե իրենք են հասցեատերը կամ սպառնալիք են նկատում, չգիտեմ, կարող են դիմել համապատասխան գործողությունների:

Զրուցեց ՍՈՆԱ ԳՐԻԳՈՐՅԱՆԸ