ԱԺ «Իմ քայլը» խմբակցության պատգամավոր Արգիշտի Մեխակյանը ծնունդով Արմավիրի մարզի Արագած գյուղից է: Պատգամավորը գրեթե ամեն օր գյուղից է Երեւան գալիս: Վերջինս ամուսնացած չէ ու ապրում է իր մայրիկի, պապիկի ու տատիկի հետ:
Պատգամավորի հայրը զոհվել է պատերազմի դաշտում՝ Արգիշի Մեխակյանը Արցախի ազաըամարտի հերոս Մեխակ Մեխակյանի որդին է, ով արցախյան հերոսամարտերի ժամանակ է մահացել, Թալիշի բարձունքներից մեկում, որն այժմ կոչվում է Մեխակասար:
ArmLur.am-ի լրատվականի «Քայլ առ քայլ» հաղորդման շրջանակներում զրուցել ենք պատգամավորի հետ, եղել տան այն հատվածում, որը նախատեսված է Մեխակ Մեխակյանի հիշատակը վառ պահելու համար: Արգիշտի Մեխակյանը շատ բան չի հիշում հոր հետ կապված, բայց շատ են տպավորվել այն օրերը, երբ հայը դաշտում վիրավորվել է ու տուն գնացել բուժման:
Մեր զրուցի ժամանակ խոսել ենք պատգամավորի աշխատանքային առաջին քայլերի մասին, մասնագիտության, հեղափոխության օրերին ունեցած սպասելիքների, պատգամավորական մանդատը իր կյանքում փոփոխություն կատարելու ու ինչպես նաեւ, թե ինչու է պատգամավորը ավելի քիչ աչքի ընկնում ու միշտ զուսպ դիրքորոշումներ ներկայացնում:
Ավելի մանրամասն տեղեկություններ պատգամավորի մասին՝ ArmLur.am-ի տեսանյութում:
Սոնա Գրիգորյան, Հովսեփ Հովսեփյան, Էդգար Բաղդասարյան
.gif)
