Ս.թ. նոյեմբերի 8-ին ժամը 11:00-ին «Հայելի» մամուլի ակումբում «Առողջ Հանրություն» ՀԿ նախագահ Մարինա Խաչատրյանը հանդես կգա մամլո ասուլիսով «Արսեն Թորոսյանը դատի է տվել Մարինա Խաչատրյանին» և «Նիկոլ Փաշինյանի հոգեկան առողջության վերաբերյալ կասկածներ, փաստեր» թեմաներով։
***
Նոյեմբերի 8-ին՝ ժամը 19.00‚ Արամ Խաչատրյան համերգասրահում «Ժամանակակից դասականներ» կոմպոզիտորական փառատոնի շրջանակներում տեղի կունենա կոմպոզիտոր Կառլ Ջենկինսին նվիրված երեկո։ Ջենկինսի ստեղծագործությունները կկատարեն Հայաստանի ազգային ֆիլհարմոնիկ նվագախումբը և Հայաստանի ազգային ակադեմիական երգչախումբը։ Համերգը կղեկավարի Կառլ Ջենկինսը։
***
Վարչապետ Նիկոլ Փաշինյանը նոյեմբերի 8-ին՝ ժամը 11:45-ին «Էրեբունի» բժշկական կենտրոնում մասնակցելու է Միջուկային բժշկության եվրոպական կենտրոնի բացման արարողությանը: Նույն օրը՝ 10:45-ին լրատվամիջոցների ներկայացուցիչները հրավիրվում են կենտրոն շրջայցի: Հավատարմագրվելու համար խնդրում ենք զանգահարել 099-70-54-78 հեռախոսահամարով մինչև նոյեմբերի 7-ը՝ ժամը 19:00:
***
Նոյեմբերի 8–ին, ժամը՝ 12 00 Հայացք մամուլի ակումբի հյուրերն են «Տնտեսական իրավունքի կենտրոն» ՀԿ նախագահ Մովսես Արիստակեսյանը և «Գերագույն խորհուրդ պատգամավորական ակումբի» նախագահ Վարդան Պետրոսյանը:
Թեման՝ Սոցիալական հիմնախնդիրներ, նվազագույն սպառողական զամբյուղ, կենսաթոշակային ապահովության՝ այդ թվում խորհրդարանի պատգամավորների և հաշմանդամություն ունեցող անձանց հիմնախնդիրներ:
.gif)
