Ազգային ժողովն ընդունեց «Հայաստանի Հանրապետության կառավարության և Դանիայի Թագավորության կառավարության միջև վիզաների տրամադրումը դյուրացնելու մասին» համաձայնագիրը վավերացնելու մասին օրենքի նախագիծը: Նոյեմբերի 19-ի խորհրդարանի նիստում օրինագիծն ընդունվեց միաձայն՝ 90 կողմ ձայնով:
Օրենքի նախագիծն Ազգային ժողովում ներկայացրեց Արտաքին գործերի նախարարի տեղակալ Ավետ Ադոնցը:
«Դանիայի Թագավորությունը չի ստորագրել 2012թ. ստորագրված ՀՀ-ի և Եվրոպական միության միջև վիզաների տրամադրումը դյուրացնելու մասին համաձայնագիրը, որով նշված է, որ համաձայնագիրը չի կիրառվում Դանիայի դիվանագիտական առաքելությունների և հյուպատոսական ծառայությունների կողմից վիզաների տրամադրման ընթացակարգերի նկատմամբ, և, որի ստորագրման ժամանակ կողմերը համատեղ, հայտարարությամբ, նպատակահարմար են համարել, որ Դանիայի և Հայաստանի կառավարությունները կնքեն կարճաժամկետ վիզաների տրամադրումը դյուրացնելու վերաբերյալ երկկողմ համաձայնագիր»,- ասաց Ադոնցը:
.gif)
