«Հայաստան» համահայկական հիմնադրամի 22-րդ հեռուստամարաթոնը՝ «Ես իմ անուշ Հայաստանի․ կենարար ջուր և արև համայնքներին» խորագրի ներքո Հայաստանի հանրային հեռուստաընկերությամբ 4 ժամ հեռարձակվելուց հետո շարունակվել է Լոս Անջելեսում։
Այն ընդհանուր առմամբ տևել է 12 ժամ։ Հանգանակվել է գրեթե 10 միլիոն դոլար՝ աշխարհի տարբեր երկրներից։ Հեռուստամարաթոնի լոսանջելեսյան տաղավարից տասնյակ ամերիկահայեր կատարել են մեծ ու փոքր նվիրատվություններ։ Համահայկական դրամահավաքին մասնակցել են դպրոցներ, մանկապարտեզներ հիվանդանոցներ, տասնյակ այլ համայնքային կառույցներ:
«Հայաստան» համահայկական հիմնադրամի ամենամյա հեռուստամարաթոնի ժամանակ վարչապետ Նիկոլ Փաշինյանը մարտահրավեր նետեց աշխարհահռչակ երաժիշտ Սերժ Թանկյանին, ամերիկահայ հեռուստաաստղ Քիմ Քարդաշյանին և Reddit սոցիալական ցանցի համահիմնադիր Ալեքսիս Օհանյանին` կոչ անելով ամսական 10 հազար դրամ փոխանցել հիմնադրամին:
Նշենք ամենաշատ նվիրատվություն կատարած անձանց.
«Տաշիր Գրուպ» -Սամվել Կարապետյան -1.5 մլն $
Սամվել Ալեքսանյան- 95 մլն 600 հազար դրամ
Վարդանյանների ընտանիք- 60մլն դրամ
«Ավեր» ՍՊԸ-1մլն
«Սարանիս» ՍՊԸ- 1 մլն
« Վեոլիա Ջուր»- 1 մլն
«Գալիք» ՍՊԸ -1 մլն
«Կերամիկա» ՍՊԸ -1 մլն
ԵՊՀ-4 մլն դրամ
«Մարտին Սթար» ՍՊԸ -1մլն
«Արփիմեդ» ՍՊԸ-1մլն
Կադաստրի կոմիտե-1.5մլն
Արմսվիս բանկ -1.5մլն
«Առանցք» ՍՊԸ (Գագիկ Առուշանյան)-5 մլն
Արարատ բանկ-40մլն
Հայաստանի առևտրային բանկեր -57 մլն դրամ
ԱԻՆ- 2մլն 100 հազար դրամ
Հարավկովկասյան երկաթուղիներ – 2 մլն դրամ
Հավելենք, որ «Հեռուստամարաթոն-2018»-ին հիմնադրամին նվիրաբերվել էր 11 մլն 109 հազար 633 դոլար:
.gif)
