ԱՄՆ-ն ավիաընկերություններին արգելել է թռիչքներ իրագործել Իրանի և Իրաքի օդային տարածքներով

ԱՄՆ քաղավիացիայի դաշնային վարչությունն ամերիկյան ավիաընկերություններին արգելել է մուտք գործել Իրաքի, Իրանի, Օմանի ծոցի, ինչպես նաև Իրանի և Սաուդյան Արաբիայի միջև գտնվող ջրերի օդային տարածք։

Այս որոշումը պայմանավորված է Իրանի կողմից Իրաքի ամերիկյան ավիաբազայի հրթիռակոծմամբ: Ամերիկյան իշխանությունները ստեղծված իրավիճակը ռիսկային են գնահատել ԱՄՆ քաղավիացիայի՝ վերոնշյալ տարածքներում գործունեություն ծավալելու տեսանկյունից։

Մերձավոր Արևելքում քաղաքական լարվածության աճը և ռազմական բախումների հավանականությունը ստիպել են ԱՄՆ իշխանություններին կանխարգելիչ քայլերի դիմել։ Թռիչքի արգելքն անխտիր վերաբերում է ԱՄՆ-ում գրանցված բոլոր ավիաընկերություններին և ավիափոխադրողներին։