Հարց քաղաքացիներից՝ շրջանառության հարկ վճարող համարվող անձինք կարո՞ղ են իրենց ցանկությամբ դառնալ ավելացված արժեքի հարկ վճարողներ

ՀԱՐՑ. Շրջանառության հարկ վճարող համարվող անձինք կարո՞ղ են իրենց ցանկությամբ դառնալ ավելացված արժեքի հարկ վճարողներ:

Ալիկ Հովսեփյան (34 տարեկան)

ՊԱՏԱՍԽԱՆ. Ա. Հովսեփյանի հարցին ի պատասխան՝ տեղեկացնում ենք, որ «Ավելացված արժեքի հարկի մասին» Հայաստանի Հանրապետության օրենքի 3 հոդվածի 4-րդ կետի համաձայն՝ շրջանառության հարկ վճարողները ԱԱՀ վճարող են համարվում միասնական հայտարարությունում նշված օրվանից (բայց միասնական հայտարարությունը ներկայացնելու օրվան նախորդող 30-րդ օրվանից ոչշուտ) մինչեւ միասնական հայտարարությունում նշված տարվա ավարտը, եթե իրենց հաշվառման վայրի հարկային մարմին ներկայացրել են միասնական հայտարարություն՝ նշում կատարելով ԱԱՀ վճարող համարվելու եւորպես ԱԱՀ վճարող հաշվառվելու մասին:

Հայաստանի Հանրապետության պետական եկամուտների կոմիտե

«ԺՈՂՈՎՈւՐԴ». Նշենք, որվճարող կազմակերպությունը պարտավոր է ժամանակագրական կարգով հաշվառել եւ առնվազն մինչեւ դուրսգրման տարվան անմիջապես հաջորդող հինգ տարին լրանալը պահպանել իրենց տված բոլոր հարկային հաշիվները (այդ թվում՝ սահմանված ձեւով հաստատված էլեկտրոնային հարկային հաշիվները):

Հարգելի′ ընթերցողներ, եթե ունեք հարցեր, կարող եք զանգահարել «Ժողովուրդ» օրաթերթի խմբագրություն`(096, 093, 010) 54 64 23 հեռախոսահամարներով կամ Ձեր հարցերն ուղարկել [email protected], [email protected] էլեկտրոնային հասցեներով, ինչպես նաև փոստով` ք. Երևան, Աբովյան 22ա/3 (0010) հասցեով:

Ձեր բոլոր հարցերի պատասխանները լույս կտեսնեն «Ժողովուրդ» օրաթերթի առաջիկա համարումներում, ապա ArmLur.am լրատվական կայքում: