Տեղի ունեցավ Երվանդ Մանարյանի հոգեհանգստի արարողությունը

ՀՀ վարչապետի որոշմամբ ստեղծվել է Երվանդ Մանարյանի հուղարկավորության կազմակերպման կառավարական հանձնաժողով: Երվանդ Մանարյանի հոգեհանգստի արարողությունը տեղի ունեցավ այսօր՝ ժամը 18:00-20:00-ին, Կոնդի Սուրբ Հովհաննես եկեղեցում:

Վերջին հրաժեշտը` փետրվարի 22-ին` ժամը 12:00-14:00-ին, Հակոբ Պարոնյանի անվան երաժշտական կոմեդիայի պետական թատրոնում:

Հուղարկավորությունը` Երևանի քաղաքային պանթեոնում (Թոխմախ):

Վարչապետ Նիկոլ Փաշինյանը տիկնոջ՝ Աննա Հակոբյանի հետ Կոնդի Սուրբ Հովհաննես եկեղեցում մասնակցել է անվանի հայ դերասան, ռեժիսոր, սցենարիստ Երվանդ Մանարյանի հոգեհանգստի արարողությանը:

Հիշեցնենք, որ կյանքի 96-րդ տարում մահացել է դերասան, ՀՀ Ժողովրդական արտիստ Երվանդ Մանարյանը: