«Դրսից մեկի անունն են տալիս». ինչու էր Արաբկիրի նախկին թաղապետը հրավիրվել հարցաքննության. մանրամասներ

Ինչպես արդեն հայտնել ենք, Արաբկիր վարչական շրջանի նախկին ղեկավար Հովհաննես Շահինյանն այսօր հրավիրվել էր ՔԿ Երևանի քաղաքային վարչություն՝ ծանր հանցագործությունների բաժին:

ArmLur.am-ը զրուցեց Հովհաննես Շահինյանի հետ, ով հայտնեց, որ Քննչական կոմիտեում իրեն ուղղված ոչ մի հարցի չի պատասխանել։

«Հարցաքննություն չի կայացել, քանի որ ես չգիտեի, թե ինչի մասին է քննությունը։ Ասում են՝ կաշառքը օժանդակելու համար է, ինչ-որ դրսից մեկի անունն են տալիս, որին ես չեմ ճանաչում, ինչպե՞ս կարող էի հարցերի պատասխանել»։

Հավելենք, որ Հովհաննես Շահինյանն այս ամենը որակում է որպես իր անձի նկատմամբ քաղաքական հետապնդում։

Լիդա Եղիազարյան