ՏԵՍԱՆՅՈՒԹ․ ՃՈ-ն խորհուրդ է տալիս տուգանքների վճարումը տարաժամկետել առցանց եղանակով

Նոր կորոնավիրուսի տարածումը կանխելու նպատակով ճանապարհային ոստիկանությունը խորհուրդ է տալիս վարչական իրավախախտումների վերաբերյալ գործերով որոշումները գանգատարկել (բողոքարկել) կամ դրանցով նշանակված տուգանքների վճարումը տարաժամկետել առցանց եղանակով՝ առանց ճանապարհային ոստիկանություն ներկայանալու։
Դիմումը կարող եք ուղարկել e-request.am կայքի միջոցով, տուգանքների վճարումը տարաժամկետելը հնարավոր է նաև roadpolice.am կայքով։
Առցանց եղանակով ներկայացվող դիմումի մեջ ևս անհրաժեշտ է նշել դիմումատուի կոնտակտային տվյալները, բնակության հասցեն, որոշման համարը և հստակ ներկայացնել անհամաձայնությունը կամ դիմումով հայցվող պահանջը։
Դիմումը կարող եք ուղարկել նաև [email protected] էլեկտրոնային հասցեին։
Դիմումներին սահմանված ժամկետներում կտրվեն պատասխաններ։