Ամառային տրանսֆերային պատուհանի ընթացքում Մադրիդի «Ռեալի» ղեկավարությունը ջանք չի խնայի գերմանական «Դորտմունդի Բորուսիայի» երիտասարդ հարձակվող Էրլինգ Հոլանդի տրանսֆերը գնելու համար: Ինչպես տեղեկացնում է Marca-ն, նորվեգացի ֆուտբոլիստը «Արքայական ակումբի» գլխավոր նպատակն է լինելու ամռանը, քանի որ մադրիդյան ակումբում արդեն անհավանական են համարում ֆրանսիական ՊՍԺ-ի հարձակվող Կիլիան Մբապեի տրանսֆերն իրականացնել ամռանը:
Հիշեցնենք, որ Հոլանդը հունվարին է ավստրիական «Զալսբուրգից» համալրել «մեղուների» շարքերը: Բունդեսլիգայի ընթացիկ մրցաշրջանում 19-ամյա հարձակվողը մասնակցել է 8 հանդիպման` դառնալով 9 գոլի եւ 2 գոլային փոխանցման հեղինակ:
Էդմոն Մարտիրոսյան
.gif)
