«Սելտայի» նախկին ֆուտբոլիստը կորոնավիրուսի պանդեմիայի ժամանակ աշխատում է Իսպանիայի դեղատներից մեկում

Իսպանական «Սելտայի» նախկին ֆուտբոլիստ Անտոնիո Դովալեն COVID-19 կորոնավիրուսի պայմաններում աշխատանքի է անցել Իսպանիայում գտնվող իր ընտանիքին պատկանող դեղատանը։ Ինչպես տեղեկացնում է Marca-ն,  ֆուտբոլիստը Իսպանիա է վերադարձել Սուրբ Ծնունդից առաջ եւ աշխատանքի անցել Գալիսիայում գտնվող դեղատանը, երբ Իսպանիայում նոր էր սկսում տարածվել կորոնավիրուսը։

Հիշեցնենք, որ COVID-19-ը սկիզբ է առել Չինաստանի Ուհան քաղաքից 2019 թվականի դեկտեմբերին։ Ամբողջ աշխարհում կորոնավիրուսով վարակվածների թիվը հասնում է 460 հազարի, իսկ բուժվածներինը՝ 113 հազարի։ Իսպանիայում կորոնավիրուսով վարակվել են ավելի քան 49 հազարը։ Այդ ցուցանիշով Իսպանիան 4-րդն է աշխարհում։

Էդմոն Մարտիրոսյան