Չէի ցանկանա, որ Խաբիբի հաջորդ մրցակիցը լիներ Ֆերգյուսոնը. Նուրմագոմեդովի մարզիչ

UFC թեթեւ քաշային չեմպիոն Խաբիբ Նուրմագոմեդովի մարզիչ Խավիեր Մենդեսը նշել է, որ չէր ցանկանա, որ Խաբիբի հաջորդ մրցակիցը լիներ Տոնի Ֆերգյուսոնը։

«Ո՞վ կլինի Խաբիբի հաջորդ մրցակիցը: Եթե ես որոշեի, ապա կընտրեի Ջաստին Գետջիին: Կցանկանայի, որ մենամարտը երաշխավորված լիներ, միայն այդ պատճառով: Եթե ոչ Գետջին, ապա մեկ ուրիշը, բայց ոչ Ֆերգյուսոնը: Մտավախություն կա, որ այդ դեպքում մենամարտը կրկին կչեղարվի, միայն այդ պատճառով: Մենամարտը չեղարկվել է արդեն 5 անգամ: Նման բան դեռ չէր եղել»,- Մենդեսի խոսքերն է փոխանցում MMA Fighting-ը:

Հիշեցնենք, որ Նուրմագոմեդովն ու Ֆերգյուսոնը պետք է մենամարտեին ապրիլի 18-ին UFC-249 մրցաշարի շրջանակներում, սակայն այն չեղարկվեց COVID-19 կորոնավիրուսի տարածման պատճառով: Ավելի ուշ հետաձգվեց նաեւ UFC-249 մրցաշարը:

Էդմոն Մարտիրոսյան