Վերջին երկու օրում 24 ժամով կասեցվել է Արարատի և Արմավիրի մարզերի 44 տնտեսվարող սուբյեկտների գործունեությունը, այդ թվում` սննդի վերամշակման և ալկոհոլային խմիչքների արտադրական կազմակերպություններ, դեղատներ, ատամնաբուժական կլինիկաներ, գեղեցկության սրահներ, մանրածախ առևտրի կազմակերպություններ, բանկ և վարկային կազմակերպություն։ Այս մասին տեղեկացնում է ՀՀ առողջապահական և աշխատանքի տեսչական մարմինը:
Կասեցված տնտեսվարողների շարքում է նաեւ արտադրական 7 խոշոր ձեռնարկություն։ ՀՀ առողջապահական եւ աշխատանքի տեսչական մարմնի Հարավային տարածքային կենտրոնի ակտիվ ստուգայցերով արձանագրված հիմնական խախտումներն են ախտահանման նորմերի չպահպանում, փակվող աղբամանների բացակայություն, որոշ դեպքերում աշխատողները չեն կրում դիմակ և ձեռնոց, համապատասխան գրանցամատյանները թերի են վարվում, այցելուների ջերմաչափում չի իրականացվում։ Արմավիրի եւ Արարատի մարզերում ԱԱՏՄ տարածքային կենտրոնի ակտիվ ստուգայցերը շարունակվում են։
Հիշեցում` խախտումների դեպքում նախատեսված վարչական պատասխանատվության միջոցները խստացվում են։
.gif)
