Պաշտպանության նախարարի խոսնակ Շուշան Ստեփանյանը սոցցանցի իր էջում տեղադրել է Զինված ուժերի գլխավոր շտաբի պետ, գեներալ-լեյտենանտ Արտակ Դավթյանի հայտարարությունը:
Այն ներկայացնում ենք ստորեւ.
«- Հատկապես վերջին երկու տարիներին գնումների հետ կապված շատ մեծ աշխատանք է կատարվել, եւ հասել ենք այն արդյունքին, որ սպառազինության եւ ռազմական տեխնիկայի ներկրումը լինում է պլանային կարգով ու առանց խախտումների: Ի՞նչ ասեմ, գուցե այս հանգամանքը ցավեցնում է որոշ մարդկանց, ինչն էլ դառնում է նման հրապարակումների պատճառ
– Վերջին շրջանում այդքան քննարկված նույն ՕՍԱ-ԱԿՄ-ների մասով նշեմ, որ ձեռք բերվելուց հետո դրանք արդիականացվել են մեր ռազմաարդյունաբերական գործարաններում, արդեն շարք են կանգնեցված եւ մասամբ փոխարինել են իրենց շահագործման ռեսուրսն ավարտած հին տեխնիկային
– ԶՈւ ձեռք բերած սպառազինության եւ ռազմական տեխնիկայի ոչ մի նմուշ պահեստում չի մնում. մենք գնում ենք այն, ինչը տվյալ պահին անհրաժեշտ է՝ ելնելով այն հանգամանքից, թե զորքին ինչ է պետք, ինչն է լավ յուրացված եւ ինչն է արդյունավետ մեր բանակի համար»:
.gif)
