Երազում եմ խաղաղության եւ երջանիկ կյանքի մասին. Անուշիկ Ալավերդյան

«Ժողովուրդ» օրաթեթրը երգչուհի Անուշիկ Ալավերդյանի հետ անցկացրել է բլից հարցազրույց` փորձելով պարզել երգչուհու թույլ ու ուժեղ կողմերը, բնավորության այնպիսի գծեր, որոնք միայն երգչուհուն են բնորոշ:

-Անուշի´կ, Երեւանում սիրելի, գողտրիկ վայր ունե՞ք:

-Իմ ամենասիրելի վայրը Երեւանում Սարյան փողոցն է, Կասկադը:

-Սովորաբեր ո՞ւմ հետ զրույցն է Ձեզ հանգստացնում, ներդաշնակ դարձնում ինքներդ Ձեզ հետ:

-Ամուսնուս հետ զրույցը:

-Ե՞րբ է եղել Ձեր կարիերայի պիկը:

-Կարծում եմ դեռ առջեւում է:

-Ի՞նչ դժվարությունների եք հանդիպել Ձեր ոլորտում:

-Ամեն բան կարգին է, եւ կարծես, թե հարթ է ընթացել:

-Ո՞վ կարող է Ձեզ խոցել:

-Կարող են խոցել ընկերներս, բայց ժամանակի ընթացքում մաղվում են նրանք, եւ լավ է, որ մնում են իրականները:

-Ե՞րբ են վերջին անգամ Ձեզ թիկունքից հարվածել:

-Մի քանի տարի առաջ ընկերներիցս մեկն էր:

-Ինչպես ե՞ք պայքարում Ձեր «չուզողների» դեմ:

-Կարծում եմ, որ նրանք շատ չեն եւ պայքարելու կարիք էլ չկա:

-Ավելի շատ լռակյաց եք, թե՞ բարձրաձայնող:

-Անձնական հարցերում բարձրաձայնող եմ, իսկ մնացած այլ հարցերում չեզոք եմ:

-Ի՞նչ եք կարծում, որն է Ձեր բնավորության ամենանտանելի կողմը:

-Նյարդային եմ:

-Իսկ ո՞րն է ամենադրական կողմը:

-Շատ պոզիտիվ եմ:

-Ամենաշատը ո՞ր հարցում եք ծուլանում:

-Ծուլանում եմ, երբ պետք է շանը զբոսանքի տանել:

-Ինչի՞ մասին եք երազում:

-Երազում եմ խաղաղության եւ երջանիկ կյանքի մասին, եւ ցանկանում եմ, որ այն միշտ լինի:

-Ձեր ամենասիրելի ֆիլմը:

-Շատ եմ սիրում եմ «Հին օրերի երգը» ֆիլմը:

-Չեք կարող ներել, երբ…

-Չեմ կարող ներել, երբ երբեք չգիտեմ` ինչու :

-Ո՞ր գույնն եք համարում Ձերը:

-Ինձ համար իմ գույնը սեւն է:

-Ո՞րն է Ձեր թալիսմանը:

-Թալիսմաններ չունեմ:

-Կինը գրավիչ է, երբ…

-Կինը գրավիչ է, երբ համեստ է:

Զրուցեց Լիդա Եղիազարյանը