Այսօր կառավարության նիստում ՀՀ վարչապետ Նիկոլ Փաշինյանն անդրադարձավ Հայաստանում կորոնավիրուսային իրավիճակին և սպասվող զարգացումներին: Առողջապահության նախարար Արսեն Թորոսյանը հայտնեց, որ նախորդ օրվա ընթացքում հայտնաբերվել է կորոնավիրուսով վարակի 263 նոր դեպք և կատարվել է 1993 թեստավորում: Նրա խոսքով, իրավիճակի կայունացում է արձանագրվել և դեռևս բուժօգնության կազմակերպման մասով թեթև և կառավարելի վիճակ է:
«Հաշվի առնելով տնտեսական ակտիվությունը և ազգաբնակչության շարժունակությունը, այդ թվում նաև Հայաստան վերադարձող քաղաքացիների թիվը, ես կարծում եմ, որ շատ դժվար է լինելու մեր օրական արձանագրվող այսքան դեպքերից ավելի ցածր դեպքեր ունենալը»,- հայտնեց առողջապահության նախարարը և նկատեց, որ դժվար թե կարողանան արձանագրել կտրուկ անկումներ, սակայն նման կառավարելիության վիկճակը պահելու համար գոնե դրված կանոնները և դեռ առկա սահմանափակումները պետք է պահպանվեն:
Վարչապետ Նիկոլ Փաշինյանն էլ նկատեց, որ կայունություն ասվածը հարաբերական է և այն կարող է ցանկացած պահի դառնալ անկայուն: Ըստ նրա, վարակման դեպքերը հուլիսի համեմատ կրկնակի նվազել են և եթե համարժեք չարձագանքվի, ապա կարող ենք վերադառնալ հուլիսի վիճակագրությանը:
Մանրամասները՝ տեսանյութում
.gif)
