«Բարգավաճ Հայաստան» կուսակցության առաջնորդ Գագիկ Ծառուկյանը պատրաստվում է «մեծ հանրահավաք կազմակերպել»: Նա խորհրդարանի առաջիկա նստաշրջանին ընդառաջ հանդիպումների շարք է սկսում կուսակցության տարածքային կառույցների ներկայացուցիչների հետ:
ԲՀԿ նախագահ Գագիկ Ծառուկյանն այդ մասին հայտարարեց երեկ՝ Կոտայքի մարզի ակտիվի հետ հանդիպմանը: Հանդիպման ժամանակ Ծառուկյանը տեղեկացրեց, որ իր աշխատակիցներին հանձնարարել էր ժողովրդի հետ շփվել, նրանց հուզող հարցերը լսել։ Հիմա էլ հետևություն է արել՝ խնդիրները բազմաթիվ են, բայց բոլոր հարցերի պատասխաններն ինքը պատրաստ է տալ:
Նկատենք, որ խորհրդարանի առաջիկա նստաշրջանը մեկնարկում է սեպտեմբերի 14-ից եւ ԲՀԿ նախագահի ասած հանդիպումները պետք է տեղի ունենա մինչ այդ: Դրան զուգահեռ նկատենք, որ ամիսներ շարունակ պարբերաբար հանդիպումներ են ունենում Գագիկ Ծառուկյանի գլխավորած «Բարգավաճ Հայաստան» կուսակցության, Ազգային անվտանգության ծառայության նախկին տնօրեն Արթուր Վանեցյանի գլխավորած «Հայրենիք» և ՀՅԴ կուսակցության ներկայացուցիչները։ Պաշտոնական հաղորդագրությունների համաձայն, այս երեք ուժեը հանդիպումների ժամանակ քննարկում են Հայաստանում ստեղծված ներքաղաքական իրավիճակը, երկրում սահմանադրական կարգի վերականգնման ուղիները։
Դրան զուգահեռ ակտիվ է նաեւ խորհրդարանական մյուս ընդդիմադիր ուժը՝ «Լուսավոր Հայաստան» խմբակցությունը: Այս օրերին վերջինիս անդամները մարզային հանդիպումներ են ունենում, լսում բնակիչներին: Սակայն այս կամ այն ուժի հետ համագործակցելու մասին դեռեւս չեն հայտարարել: Խորհրդարանական ուժերից ամենաակտիվը թերեւս իշխող «Իմ քայլը» խմբակցությունն է. նրանց անդամները ոչ միայն մարզային հանդիպումներ են ունենում, այլեւ պարբերաբար խմբակցության, կուսակցության վարչության նիստեր անցկացնում:
Խորհրդարանի առաջիկա նստաշրջանին կարճ ժամանակ է մնացել եւ այլ կերպ ասած թեժ աշուն է սպասվում:
Մանրամասները՝ տեսանյութում
Նաիրա Հովհաննիսյան
.gif)
