Սեպտեմբերի 4-ին տեղի է ունեցել Սահմանադրական բարեփոխումների մասնագիտական հանձնաժողովի հերթական նիստը: Պաշտոնական հաղորդագրության համաձայն, անդրադարձ է կատարվել ՀՀ դատախազության կարգավիճակի սահմանադրական հիմքերի բարեփոխումներին ինչպես նաև քննչական մարմինների կարգավիճակի բերափոխումներին:
ArmLur.am-ը տեղեկացավ, որ երեկ քվեարկություն տեղի չի ունեցել հարցերի վերաբերյալ եւ այն թերեւս կկայանա հաջորդ նիստին, սակայն մեզ հետաքրքրիր մանրամասներ են հայտնի դարձել սպասվող փոփոխություններից: Մեզ հայտնի դարձավ, որ մեծ փոփոխություններ են կատարվելու Գլխավոր դատախազի լիազորություններում՝ ընդհուպ նրա պաշտոնավարման ժամկետի հետ կապված: Սակայն ամենագլխավոր քննարկվող հարցերից մեկն այն է, որ դատախազին տրվելու են քննչական գործողություններ անելու եւ մեղադրանք առաջադրելու լիազորություններ, եւ դրան զուգահեռ քննչական մարմինների լիազորությունները պակասեցվելու են: Իհարկե, սրանք նախնական քննարկումների արդյունքներն են, սակայն հանձնաժողովում գրեթե միասնական դիրքորոշում է ձևավորվել:
Հիշեցնենք, որ սահմանադրական բարեփոխումների մասնագիտական հանձնաժողովն օգոստոսի 24-ին կողմ էր քվեարկել հօգուտ Գերագույն դատարան ստեղծելու հայեցակարգի: Եվ ընդամենը մեկ ձայնի տարբերությամբ՝ 8 կողմ-7 դեմ, մասնագիտական հանձնաժողովը հավանություն էր տվել Սահմանադրական և Վճռաբեկ դատարանները միավորելու և փոխարենը Գերագույն դատարան ստեղծելու հայեցակարգին: Նկատենք, որ այս փոփոխության հետ կապված բողոքներ հնչում են հատկապես նախկին իշխանության ներկայացուցիչներից, ովքեր պնդում են, թե փոփոխությունը քաղաքական ենթատեքստ ունի։
Մանրամասները՝ տեսանյութում
.gif)
