ՏԵՍԱՆՅՈՒԹ. «Զգուշացե՛ք ղեկին կին է». որ դեպքում են կանայք կտրվում վարորդական վկայականի քննությունից

Պարզվում է՝ վարորդական իրավունքի վկայականի ձեռքբերման համար նախատեսված եւ գործնական եւ տեսական քննություններին մասնակցում են իգական սեռի ներկայացուցիչների 70 տոկոսը: Բայց կանանց կողմից հաճախ արվող սխալները հետընթացով կայանումն է, հետընթացով հետադարձը, համապատասխան ուղղության շրջադարձի ցուցիչների չմիացնելը:
Իսկ հերթում սպասողները փոքր-ինչ լարված են. հեռվից հետեւում են քննություն հանձնողներին, արձանագրում սխալները, որպեսզի իրենք նույնը չկրկնեն:

ArmLur.am-ի այցելության պահին գործնական քննություն հանձնողներից մեկը մեքենան շարժի գցելուց վարկյաններ անց սխալվեց, տեսուչն անմիջապես դադարեցրեց քննությունը՝ բացասական գնահատմամբ: Դե ինչ, մեզ մնում է հիշել հայտնի խոսքերը՝ կինը ղեկին նման է աստվածուհու, քանի որ նրան տեսնելիս հետիոտները խաչակնքվում են, իսկ վարորդներն աղոթում: Իր հերթին ճանապարհային ոստիկանությունը զգուշացնում է՝ ամենակարեւորn անվտանգ երթեւեկությունն է: Թեեւ կանայք ավելի ուշադիր են երթեւեկության մեջ, բայց այնուամենայնիվ, տղամարդիկ չեն դադարում կին վարորդների մասին հումորներ անել: Ինչպես ասում են՝ «Զգուշացե՛ք, ղեկին կին է»:

Մանրամասները՝ տեսանյութում

Սյունէ Համբարձումյան, Հովսեփ Հովսեփյան