«Իրավունք» թերթը գրում է. «Քաղաքացիական պայմանագիր» կուսակցության վերնախավում բացահայտ սկսել են աշխատել Երեւանի քաղաքապետ Հայկ մարությանի դեմ: Խնդիրն այն է, որ ՔՊ-ականները չեն ներում, որ Մարությանը չաջակցեց իրենց արտահերթ խորհրդարանական ընտրություններին:
«Իրավունքին» հասած շշուկների համաձայն` իշխանական վերին օղակներում ակտիվորեն քննարկվում է Հայկ Մարությանից ձերբազատվելու հարցը: Այս առումով երկու տեսակետ կա` սպասել եւս մեկ տարի եւ Երեւանի ավագանու հերթական ընտրությունների ժամանակ նոր ՔՊ-ական քաղաքապետ ընտրել, իսկ երկրորդ տարբերակն այն է, որ քանի «գործներն աջ է գնում», աշունն էլ կազմակերպել Երեւանի ավագանու արտահերթ ընտրություններ` հասնելով նրան, որ Մարությանն ինքնակամ հրաժարական տա:
Երկու սցենարի դեպքում էլ` ՔՊ-ն արդեն իսկ ունի իր համար ցանկալի նոր քաղաքապետի թեկնածու` ՔՊ նախընտրական ցուցակում տեղ գտած գործարար Խաչատուր Սուքիասյանը, նույն ինքը` Գռզոն: Սրանով ՔՊ-ականները միանգամից երկու հարց են լուծում` նախ կստացվի այնպես, որ իրենց խոստմանը համաձայն օլիգարխներ չեն լինի խորհրդարանում, մյուս կողմից էլ կիրականանա Սուքիասյանի վաղեմի երազանքը` նստել այն պաշտոնին, որում եղել է Վանո Սիրադեղյանը»:
Առավել մանրամասն՝ թերթի այսօրվա համարում։
.gif)
