Հայաստանում ՀԱՊԿ առաքելության առաջապահ խումբը՝ գեներալ-գնդապետ Անատոլի Սիդորովի գլխավորությամբ, շաբաթ օրը դիտարկում է անցկացրել Հայաստան- Ադրբեջան սահմանի մի քանի տեղամասերում։ Հաղորդում է ՌԻԱ Նովոստին։
Հայաստանի զինված ուժերի ներկայացուցիչները ցուցադրել են հակաօդային պաշտպանության ստորաբաժանումներից մեկի տարածքում հրետակոծության հետևանքները։ Առաքելությունն այցելել է նաև Սյունիքի մարզի Գորիս քաղաք և Ակներ գյուղ, որտեղ հրետանային արկի հետևանքով տուժել է բնակելի շենք։
Հիշեցնենք, սեպտեմբերի 13-ին տեղի է ունեցել ՀԱՊԿ մշտական խորհրդի արտակարգ նիստ, որտեղ որոշվել է առաքելություն ուղարկել տարածաշրջան՝ գլխավոր քարտուղար Ստանիսլավ Զասի գլխավորությամբ։
Առաքելության ներկայացուցիչները պետք է գնահատեն իրավիճակը հակամարտության գոտում, պատրաստեն զեկույց և առաջարկներ մշակեն լարվածությունը թուլացնելու համար։
.gif)
