Հոկտեմբերի 5-ին Ազգային ժողովում կառավարության հետ հարցուպատասխանի ընթացքում վարչապետ Նիկոլ Փաշինյանը, խոսելով ղարաբաղյան բանակցությունների մասին, կրկին հիշեց նախկին իշխանություններին եւ նրանց մեղադրեց ընդհուպ կապիտուլյացիայի փաստաթուղթ թողնելու եւ հեռանալու մեջ:
Խոսելով Մադրիդյան սկզբունքների մասին՝ Նիկոլ Փաշինյանը նախկին արտգործնախարար Վարդան Օսկանյանին մեղադրում է, որ դրանցով փաստացի ճանաչվել է Լեռնային Ղարաբաղը Ադրբեջանի կազմում։
«Արդյո՞ք Հայաստանի որևէ իշխանություն Ղարաբաղը ճանաչել է Ադրբեջանի կազմում և ո՞ր իշխանությունն է ճանաչել Ղարաբաղը Ադրբեջանի կազմում։ Այո՛, Հայաստանի Հանրապետությունը ճանաչել է Ղարաբաղը Ադրբեջանի կազմում, և դա իրականացվել է ձեր հիշատակած Վարդան Օսկանյանի հեղինակությամբ։ Որովհետև այն պահին, երբ Հայաստանը ընդունել է Մադրիդյան սկզբունքները որպես բանակցությունների հիմք, այդ պահից սկսած ճանաչել է Լեռնային Ղարաբաղը Ադրբեջանի կազմում»։
Իսկ ինչ են ասվում Մադրիդյան սկզբունքներում.
Մադրիդյան սկզբունքները երեքն են՝
Ուժի կամ ուժի կիրառման սպառնալիքի բացառում,
Պետությունների տարածքային ամբողջականություն,
Իրավահավասարություն և ժողովուրդների ինքնորոշում:
Այսինքն, ըստ նույն մադրիդյան փաստաթղթի՝ Լեռնային Ղարաբաղի վերջնական կարգավիճակը որոշվելու էր հանրաքվեի միջոցով, որը թույլ էր տալու ցանկացած կարգավիճակի հնարավորություն: Այդ կետի մեջ նշվում էր նաև, որ այն կազմակերպվելու էր 1988 թ․-ի Լեռնային Ղարաբաղի բնակչության էթնիկ համամասնությամբ: Նա չի խոսել նաեւ ուժի կամ ուժի կիրառման սպառնալիքի բացառման մասին եւ հիշատակել է միայն տարածքների ամբողջականության հարցը:
Ն. Հ.
.gif)
