Իրանի Արտաքին գործերի նախարար Հոսեյն Ամիր Աբդոլլահիանն օրերս իրանական հեռուստաալիքներով հեռարձակված «Դիվանագիտության դաշտ» վավերագրական ֆիլմում խոսել է նաև հայ-ադրբեջանական հարաբերությունների ու Իրանի դերի մասին:
«Իրանը թույլ չտվեց փակել Հայաստանի հետ կապի ուղին և շարունակեց զորավարժություններ անցկացնել տարածաշրջանում։ Բավական վտանգավոր սցենար էր իրականացվում, ըստ որի՝ պետք է փոխվեր տարածաշրջանի աշխարհաքաղաքականությունը։ Նույնիսկ ջանքեր են գործադրվել կտրել Իրանի և Հայաստանի միջև կապի հնագույն ճանապարհը։ Իրանը դա թույլ չի տվել»,- ասել է Իրանի արտաքին գործերի նախարարը:
Նշենք, որ է IRNA գործակալության փոխանցմամբ՝ այս օրերին Իրանի «Իսլամական հեղափոխության պահապանների» կորպուսի ցամաքային ուժերն Արևելյան Ադրբեջան ու Արդեբիլ նահանգների հյուսիսում՝ Արաքսի շրջանում, զորավարժություններ են իրականացնում:
«Զորավարժությունների ուղերձը հարևան երկրների համար հետևյալն է՝ խաղաղություն, բարեկամություն ու կայուն անվտանգության ամրապնդում, թշնամիների համար այն, որ իրանական զինված ուժերը պատրաստ են պաշտպանել երկրի սահմաններն ու պատասխանել ցանկացած սպառնալիքին»,- շեշտել է հեղափոխության պահապանների կորպուսի հրամանատար Մուհամեդ Փաքփուրը:
Սևակ Վարդումյան
.gif)
