Ռուսական «Вестнику Кавказа» լրատվամիջոցը ծավալուն հոդված է հրապարակել «Պուտինն ու Ալիևը չտրվեցին Փաշինյանի «սադրանքներին» Սոչիում» վերտառությամբ հոդվածը: Հոդվածի նախաբանում լրատվամիջոցը գրում է, որ Վլադիմիր Պուտինի, Իլհամ Ալիեւի եւ Նիկոլ Փաշինյանի հանդիպումը Սոչիում բեկումնային չի եղել Հայաստանի եւ Ադրբեջանի միջև հարաբերությունների վերջնական կարգավորման հարցում: Բանակցությունների արդյունքում հրապարակվեցին բավականին հերթապահ դիվանագիտական ձևակերպումներ, որ Ռուսաստանը՝ որպես միջնորդ, աջակցում է իրավիճակի կարգավորմանն ուղղված ցանկացած ջանքերի, որ խաղաղ պայմանագիրը պետք է լինի երկու կողմերի փոխզիջման արդյունքը…:
Սակայն Vestnik Kavkaza-ին հայտնի են դարձել Սոչիի բանակցությունների որոշ մանրամասներ։ Լրատվամիջոցը գրում է. «Այսպիսով, մեր տեղեկություններով, հայկական կողմը ցանկացել է ամփոփիչ հայտարարության մեջ արտացոլել այն իրադարձությունները, որոնք հակասական գնահատականներ ունեն:
Նախ՝ Սոչիում Երեւանի շահերը ներկայացնող վարչապետի գլխավորած թիմը ձեռնամուխ եղավ վերջնական փաստաթղթի տեքստում ներառել 2021 թվականի մայիսին տեղի ունեցած իրադարձությունների գնահատականը։ Հիշեցնենք, որ անցյալ տարվա մայիսի 12-ին Սև լճի մոտ բախում էր տեղի ունեցել հայ և ադրբեջանցի սահմանապահների միջև։ Այնուհետ Երևանը պնդում էր, որ «ադրբեջանական զինուժը սահմանը ճշտելու պատրվակով փորձել է խորանալ Հայաստանի տարածք՝ օգտագործելով կեղծ քարտեզագրական նյութեր»։ Բաքուն պարզաբանել է, որ 2020 թվականի նոյեմբերի 9-10-ը ստորագրված եռակողմ հայտարարության համաձայն, օկուպացիայից ազատագրված Հայաստանին սահմանակից շրջաններում՝ բարդ լեռնային ռելիեֆային կառուցվածքով և բնակլիմայական պայմաններ ունեցող շրջաններում եղանակային պայմանների բարելավմամբ, Ադրբեջանի սահմանը», – գրում է լրատվամիջոցը:
Ապա նշվում է, թե անցյալ տարվա մայիսին Բաքուն Հայաստանի ռազմաքաղաքական ղեկավարությանը խորհուրդ տվեց խուճապի չմատնվել, ընդունել Ադրբեջանի Զանգիլանի, Գուբադլիի, Լաչինի և Քալբաջարի շրջանների միջպետական սահմանի ռեժիմի իրողությունը, անհիմն կերպով չսրել իրավիճակը տարածաշրջանում և լուծել նման խնդիրները երկու կողմերի զինվորականների միջև քննարկման և փոխադարձ շփումների միջոցով։
«Անհասկանալի է մնում, թե ինչու է Նիկոլ Փաշինյանը ոչ միայն որոշել հիմա վերհիշել այդ իրադարձությունները, այլև դրանց գնահատականը ներառել ամենաբարձր մակարդակով նախատեսվող փաստաթղթի տեքստում։ Ավելին, ամփոփիչ ասուլիսում Վլադիմիր Պուտինն ասաց, որ «գտնվել են Հայաստանի և Ադրբեջանի միջև սահմանի սահմանազատման և սահմանազատման նախնական նախադրյալները»:
Ապա նշվում է, թե հայկական կողմն առաջարկել է հայտարարության տեքստում արտացոլել 2022 թվականի սեպտեմբերի կեսերի իրադարձությունները։
Հավելենք նաև, որ «Վեստնիկ Կավկազա»-ն հայտի է որպես ադրբեջանամետ կայք, որն առավելապես հակահայկական քարոզչություն է իրականացնում Հարավային Կովկասում բնակվող ռուսախոս բնակիչների համար։ Հայաստանին վերաբերող հոդվածները հիմնականում քննադատական են։
Ն.Հ.
.gif)
