Ողբերգական ավտովթար-հրդեհ Գեղարքունիքի մարզում․ 6 հոգու կյանք փրկել չի հաջողվել

Հունվարի 7-ին, ժամը 16։21-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ներքին Գետաշեն-Մարտունի ավտոճանապարհին այրվում է ավտոմեքենա։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 16:34-ին, մարվել՝ 16:40-ին։

Ըստ նախնական տվյալների՝ կան զոհեր։

shamshyan.com֊ի տեղեկություններով՝ հրշեջները մարել են ավտոմեքենաներում առաջացած հրդեհը, որից հետո Opel-ներից մեկում հայտնաբերվել է 4, իսկ մյուսում՝ 2 դի։