ՏԵՍԱՆՅՈՒԹ. Ի՞նչ է ասել մարտի 1-ի քրեական գործով նոր դատախազը Գոռ Քլոյանի հորը՝ Սարգիս Քլոյանին

«Ժողովուրդ» օրաթերթը գրել էր, որ «Մարտի 1»-ի գործով նոր փորձաքննություններ են նշանակվել:
Ավելին՝ գործով անցնող մեղադրյալներից շատերը գնացել են Հակակոռուպցիոն կոմիտե՝ հասկանալու, թե այդ ինչ նոր փորձաքննություններ են նշանակվել, ում կողմից եւ ինչ հիմքերով:

Հիշեցնենք, որ ՀՀ գլխավոր դատախազ Աննա Վարդապետյանը «Մարտի 1»-ի գործով դիմել է Հակակոռուպցիոն կոմիտեի ղեկավար Սասուն Խաչատրյանին։ ԱԺ պետաիրավական հարցերի մշտական հանձնաժողովի նիստում նա ասել էր. ««Մարտի 1»-ի գործը մոտ 800 հատոր է։
Վերջերս Հակակոռուպցիոն կոմիտեի նախագահին դիմել եմ խնդրանքով՝ ձեւավորել քննչական խումբ, որովհետեւ մեկ քննիչի աշխատանքի ծավալի մեջ սա հնարավոր չէ տեղավորել»։ Վարդապետյանն ասել էր նաեւ, որ դատախազական հսկողություն կիրականացվի, եւ այդ գործը դրվագ առ դրվագ կուսումնասիրվի։

Նկատենք, որ նորանշանակ դատախազը նշանակվելուց հետո անգամ փոխել էր գործը հսկող դատախազին, սակայն «Մարտի 1»-ի գործը այդպես էլ մնում է չբացահայտված 15 տարի անց: Հակակոռուպցիոն կոմիտեն մեկը մյուսի հետեւից կարճում է «Մարտի 1»-ի գործերը՝ վաղեմության հիմքով, եւ դեռ ավելին՝ մինչ օրս հայտնի չէ, թե ով այդ օրը սպանեց 10 քաղաքացիներին Երեւան քաղաքի կենտրոնում:
Եվ ահա զրուցել ենք Մարտի 1-ի զոհերից Գոռ Քլոյանի հոր Սարգիս Քլոյանի հետ հասկանալու համար , թե նա ինչ հույսե ունի նորանծանակ դատախազ Աննա Վարդապետյանի մասով եւ ի վերջո այս նոր փորձաքննությունները ինչ կտան գործի սպանությունների եւ առհասարակ գործի բացահայտմանը :

Քնար Մանուկյան Հովսեփ Հովսեփյան