Թուրքիայի Ստամբուլ քաղաքում ընթացող ազատ ոճի ըմբշամարտի աշխարհի պատանեկան առաջնությունում 110 կգ քաշային Հենրիկ Հայկյանը կպայքարի բրոնզե մեդալի համար:
Հայ մարզիկը նախ 1/8 եզրափակչում ժամանակից շուտ 13-3 հաշվով հաղթել էր ամերիկացի Սիմփսոն Ֆրանկ Սթիլվելին, ապա` 1/4 եզրափակչում 5-0 հաշվով առավելության էր հասել ճապոնացի Հոսեի Ֆուջիտայի նկատմամբ:
Կիսաեզրափակչում Հենրիկ Հայկյանը 2-6 հաշվով զիջել է ադրբեջանցի Յուսիֆ Դուրսունովին և վաղը կպայքարի բրոնզե մեդալի համար:
Ավելի վաղ կիսաեզրափակչում պարտություն էր կրել նաև 55 կգ քաշային Սամվել Գևորգյանը:
.gif)
