Հարյուրավոր կորուստներ և վիրավորներ․ անչափահասների մասնակցությամբ պատահարներն աճել են․ ամփոփ տվյալներ

Վերջին շրջանում պարբերաբար տեղի են ունենում ճանապատրհատրանսպորտային պատահարներ, որոնք, ցավոք հաճախ ավարտվում են մահվան ելքով:
Վերջին տարիների վիճակագրությունը փաստում է, որ ավելացել է թե՛ ընդհանուր ՃՏՊ-ների, թե՛ զոհերի ու վիրավորների թիվը:
2023-ի հունվարից առ այսօր( վերջին վթարն էլ ներառյալ) Հայաստանում արդեն զոհվել է 217 մարդ։
ArmLur.am-ի տվյալներով աճել է անչափահասների մասնակցությամբ պատահարները:

Այսպիսով՝ 2020 թվականի 4016 պատահարի համեմատ 2022 թվականին տեղի է ունեցել 4608 պատահար:
2022-ին տեղի ունեցած վթարներից 662-ը տեղի են ունեցել մինչեւ 18 տարին լրացած անձանց մասնակցությամբ, որոնց արդյունքում զոհվել է 31, վիրավորվել՝ 804 անչափահաս: Միեւնույն ժամանակ 2020-ին տեղի ունեցած պատահարներից 530-ն է եղել անչափահասների մասնակցությամբ, որոնց արդյունքում զոհվել է 19, վիրավորվել 653 անձ, որոնց 18 տարին լրացած չի եղել:

2023 թվականի առաջին հնգամյակում՝ մինչեւ մայիսի 31-ը տեղի է ունեցել 1652 ՃՏՊ, որից 280-ը անչափահասների մասնակցությամբ: Արդյուքնում՝ 6 անչափահաս զոհվել է, 341-ը ստացել տարբեր աստիճանի մարմնական վնասվածքներ:
Մասնագետներն ասում են, որ առանց պատահարների լուրջ վերլուծությունների ու հստակ ռազմավարության ամեն տարի Հայաստանը մոտ 300+ զոհ կունենա ՃՏՊ-ներից, այդ շարքում նաև երեխաներ։

Մարիամ Ղազարյան