Մասիսում զինամթերք է հայտնաբերվել

«Կանեփ-կակաչ 2023» օպերատիվ-կանխարգելիչ միջոցառման շրջանակներում Մասիսի բաժնի համայնքային ոստիկանները ստացել էին տեղեկություն, որ 37-ամյա մի տղամարդ իր տանը կից օժանդակ շինությունում ունի զինամթերք։

Տեղեկությունը ստուգելու նպատակով ոստիկանները մեկնել են նշված հասցե։ Տանտերը իրավապահներին օժանադակ շինությունից ներկայացրել է թիթեղյա տարա, որի մեջ առկա էր 235 հատ 7,62 մմ տրամաչափի փամփուշտ։ Տղամարդը հայտնել է, որ դրանք պատկանել են տան նախկին տիրոջը, որը մահացել է։

Կազմված փաստաթղթերը ուղարկվել են Մասիսի քննչական բաժին։