ԱՐԱԳ ՏԵՄՊԵՐՈՎ

Սյուզի Մելիքյանը, ինչպես եւ խոստացել էր, անցել է բուռն գործունեության: «Ժողովուրդ» օրաթերթին տված հարցազրույցներից մեկում երգչուհին ափսոսանքով էր նշում, որ ուսման եւ աշխատանքի պատճառով իր երաժշտական կարիերային քիչ ժամանակ է տրամադրում: Բայց քանի որ դուրս է եկել Ազգային Ժողովից, արդեն կարող է բաց թողածն արագ վերականգնել: Նախ մենահամերգ ունեցավ Սայաթ-Նովա համալիրի «Կոլիզեյ» սրահում, օրեր առաջ  էլ նոր տեսահոլովակ նկարեց` «Իրական սեր» երգի հիման վրա: Նկարահանումները տեղի են ունեցել քաղաքի կենտրոնում գտնվող բարձրահարկ շենքերից մեկի տանիքին: Տեսահոլովակի ռեժիսորն է Արեն Բայադյանը: Դեռ եթերում չհայտնված տեսահոլովակի որոշ դրվագներ կարող եք դիտել Youtube կայքում հետեւյալ հասցեով . http://www.youtube.com/watch?v=LQJHWyNuztM&feature=player_embedded: