Հոկտեմբերի 3-ին ոստիկանության Արմավիրի մարզային վարչության քրեական հետախուզության բաժանմունքում տեղեկություններ էին ստացվել, որ Արմավիր քաղաքի բնակիչ, 35-ամյա մի տղամարդ տնամերձ հողամասում կանեփ է աճեցնում և ապօրինի թմրանյութ պահում:
Տեղեկությունները ստուգելու նպատակով օպերատիվ խումբը մեկնեց նշված հասցե: Դեպքի առթիվ նախաձեռնվեց քրեական վարույթ, որի շրջանակում 35-ամյա արմավիրցու տանը և տնամերձում զննություն կատարվեց: Հողամասի ցանկապատի տակ իրավապահները հայտնաբերեցին կանեփանման 4 բույս, իսկ խորդանոցում՝ տարայի մեջ լցված կանեփանման զանգված:
Տղամարդը հայտնել է, որ կանեփն ինքն է ցանել, թմրանյութն էլ պատրաստել իր իսկ ցանած բույսերից:
Կազմված փաստաթղթերն ուղարկվել են Արմավիրի քննչական վարչություն: Նշանակվել է փորձաքննություն: Հանգամանքները նախաքննությամբ պարզվում են:
.gif)
