Այսօր Եվրոպական խորհրդարանում ելույթ է ունեցել ՀՀ վարչապետ Նիկոլ Փաշինյանը։ Նա խոսեց այս կառույցի կարևորության, ժողովրդավարական արժեքների մասին։ Նա խոսեց նաև պատերազմի, դրա հետևանքների մասին։
Ներկայացնում ենք նրա կողմից հնչեցված մի քանի թեզեր․
- Շատերն ասում են, որ ՀՀ-ն տառապում է ժողովրդավարության պատճառով, վերջին տարիներին բաժին հասած անխուսափելի փորձություններից ՀՀ-ն պարզապես կաթվածահար կլիներ, կկորցներ իր անկախությունն ու ինքնիշխանությունը, եթե չլիներ ժողովրդավար։
- Հայաստանը շահագրգռված է միջազգային իրավական համակարգի զարգացման հարցում. ՀՀ խորհրդարանը վավերացրել է Հռոմի կանոնադրությունը:
- 2018 թվականի հեղափոխությունից հետո Հայաստանում ոչ մի մակարդակի ընտրության արդյունք չի նենգափոխվել։ Ահա սա է փոխվել հինգ տարիների ընթացքում։
- Ժողովրդավարությունը Հայաստանում շարունակում է ուժեղ հարվածներ ստանալ՝ ճշգրտորեն կրկնվող սցենարով։
- Այն ժամանակ, երբ 100.000 հայերը ԼՂ-ից փախչում էին Հայաստան, անվտանգային ոլորտի մեր դաշնակիցները մեզ ոչ միայն չէին օգնում, այլև ՀՀ-ում իշխանափոխություն անելու, ժողովրդավարական իշխանությունը տապալելու հրապարակային կոչեր էին հնչեցնում։
- Մեր տարածաշրջանն ունի խաղաղության կարիք։ Այսինքն, մի այնպիսի իրավիճակի կարիք, երբ բոլոր երկրներն ապրում են բաց սահմաններով։ Խաղաղության մասին մեր պատկերացումները չեն հակադրվում մեր տարածաշրջանի շահերին։
Մանրամասները՝ տեսանյութում
.gif)
