ԼՈՒՐ ԿԱԴՐ

Լուսանկարը՝ համացանցից

Ուժային եռամարտի աշխարհի եւ Եվրոպայի չեմպիոն, Գինեսի ռեկորդակիր Յուրի Սաքունցը նվաճել է պրոֆեսիոնալ բռնցքամարտի WBF վարկածով եվրոպական գոտու մրցաշարի տիտղոսը 69 կգ քաշային կարգում։

Չեխիայի Ուստի Նադ Լաբեմ քաղաքում տեղի ունեցած մենամարտում Յուրի Սաքունցը հաղթել է Մոնղոլիայի ներկայացուցիչ Բազարգուր Յուդգերին՝ դառնալով WBF վարկածով Եվրոպայի չեմպիոն։

ՍՈՑԻԱԼԱԿԱՆ

ՀԱՐՑ. Ո՞ր դեպքերում եւ որքա՞ն ժամանակով կարող է հետաձգվել քաղաքացու ուղեգրումը տուն-ինտերնատ:

Կարեն Վիրաբյան (45 տարեկան)

ՊԱՏԱՍԽԱՆ. Քաղաքացու ուղեգրումը տուն-ինտերնատ կարող է հետաձգվել՝ քաղաքացու կամ նրա խնամակալի կողմից սոցիալական աջակցության տարածքային գործակալություն (բաժին) ներկայացված դիմումի (հիմնավոր պատճառների՝ առողջական խնդիրներ, հարազատի մահ, եղանակային պայմաններ եւ այլն) հիման վրա, մինչեւ 6 ամիս ժամկետով:

ՀՀ աշխատանքի եւ սոցիալական հարցերի նախարարություն

ԿԱՐԳ

ՀԱՐՑ. Ինչպե՞ս ձեռք բերել հողամաս Գորիսում:

Ալվարդ Հովսեփյան (31 տարեկան)

ՊԱՏԱՍԽԱՆ. Ժամանակավոր ավտոտնակ կամ առեւտրի տաղավար տեղադրելու համար անհրաժեշտ է ներկայացնել դիմում համայնքի ղեկավարին:

Համայնքի ղեկավարը դիմումը մակագրում է Քաղաքաշինության եւ ճարտարապետության բաժնին: Բաժնի մասնագետների կողմից կատարվում է հատկացվող տարածքի ուսումնասիրություն եւ պահանջվում է համապատասխան փաստաթղթեր`

1. տեղեկանք բնակավայրից,
2. ավտոտնակի համար` ավտոմեքենայի տեխնիկական անձնագրի պատճեն, իսկ տաղավարի համար` պեական ռեգիստրի վկայականի պատճեն,
3. դիմողի անձնագիրը եւ նրա պատճենը,
4. բաժնի աշխատակցի կողմից գործերին է կցվում ավտոտնակի (տաղավարի) տարածքի հատակագիծը,
5. հողհատկացման համար բնակչի կողմից վճարվում է տեղական տուրք՝ 30000 դրամ, եւ տեղական վճար՝ 5000 դրամ:

Գորիսի համայնքապետարան

«ԺՈՂՈՎՈՒՐԴ». Հողհատկացման նախագիծը ներկայացվում է քաղաքապետի հաստատմանը, որից հետո կնքվում է հողի վարձակալության պայմանագիր` 4 օրինակից, որը հաստատվում է նոտարի կողմից: Այնուհետեւ դիմողը հողի վարձակալության պայմանագիրը եւ քաղաքապետի որոշումը ներկայացնում է Անշարժ գույքի կադաստր (30 օրյա ժամկետում) հողի վարձակալությունը գրանցելու համար:

Քաղաքաշինության եւ ճարտարապետության բաժնի հասցեն է՝ Կ.Դեմիրճյանի անվան հրապարակ, քաղաքապետարան, 3-րդ հարկ, 301 սենյակ: