ՏԵՍԱՆՅՈՒԹ․ Ինչ ասել են՝ արել ա․ անհետ կորածների ծնողները թուղթ են ստորագրել․ մանրամասներ Օնիկ Գասպարյանի հարցաքննությունից

Այսօր ՀՀ ԶՈՒ գլխավոր շտաբի նախկին պետ Օնիկ Գասպարյանը Հակակոռուպցիոն դատարանում հարցաքննվեց։

Հիշեցնենք, որ «Ժողովուրդ» օրաթերթը գրել էր, որ Էջմիածնի «Քիմիկների» զորամասի անհետ կորած զինծառայողների գործով հակակոռուպցիոն դատարան հարցաքննության է հրավիրվելու նաեւ ՀՀ ԶՈՒ գլխավոր շտաբի նախկին պետ Օնիկ Գասպարյանը: Նա նախաքննության ընթացքում այս քրեական գործով հարցաքննվել եւ ցուցմունք է տվել, ուստի դատարանը հարցաքննության է հրավիրելու նաեւ նրան: Էջմիածնի «Քիմիկների» զորամասի անհետ կորած զինծառայողների գործով հակակոռուպցիոն դատարանում տեւական ժամանակ է հարցաքննվում են անհետ կորած կամ զոհված զինծառայողների ծնողները. իսկ այդ գործով մեղադրյալներ են ԳՇ պետի նախկին տեղակալ Անդրանիկ Մակարյանը, եւ զորամասի այլ պաշտոնյաներ։ Անդրանիկ Մակարյանին մեղադրանք է առաջադրվել ՀՀ ՔՕ 376 հոդվածի 3-րդ մասով:

Նշենք, որ ՀՀ ՔՕ 376 հոդվածի 3-րդ մասը սահմանում է անփույթ վերաբերմունքը ծառայության նկատմամբ. սույն հոդվածի առաջին կամ երկրորդ մասով նախատեսված արարքները, եթե դրանք կատարվել են ռազմական դրության, պատերազմի ժամանակ կամ մարտի պարագաներում, պատժվում են ազատազրկմամբ՝ չորսից ութ տարի ժամկետով: Անդրանիկ Մակարյանի նկատմամբ խափանման միջոց է ընտրվել ստորագրությունը՝ երկրից չհեռանալու մասին:

Հարցաքննությունից առաջ անհետ կորածների ծնողներին թուղթ են տվել ստորագրելու, որ հարցաքննությունից որեւէ բան չպետքէ հրապարակվի: Ինչեւէ, նիստի ավարտից հետո զրուցեցինք ծնողների հետ, թե ինչ տպավորություն ունեցան՝ 3 տարի քննություն է ընթանում եւ Օնիկ Գասպարյանի հարցաքնությունի հետո ինչ պարզ դարձավ:

Մանրամասները՝ տեսանյութում։

Քնար Մանուկյան