Այս պահին Փոքր Վեդիի մանկապարտեզի դաստիարակին կանչել են ոստիկանություն․ գործընթացը սկսված է

Համացանցում ակտիվ տարածվում է տեսանյութ, որտեղ երևում է, թե ինչպես է մանկապարտեզի աշխատակիցը ծեծի ենթարկում երեխային։ Ըստ տեղեկությունների՝ դեպքը տեղի է ունենում Արարատի մարզի Վեդի քաղաքի մանկապարտեզներից մեկում։

ArmLur.am-ը դիմեց ՀՀ ՆԳՆ՝ հասկանալու, արդյոք տեղյակ են դեպքից, և ինչ ընթացք են տվել դրան։

ՀՀ ՆԳՆ նախարարությունից հայտնեցին, որ դեպքով իրավապահ մարմիններին հաղորդում չի ներկայացվել, բայց տարածված տեսանյութը ուսումնասիրվում է։

Փոքր Վեդիի համայնքապետն ArmLur.am-ի հետ զրույցում ասաց, որ դեպքը «Զարթոնք» մանկապարտեզում է եղել: Երեխայի նկատմամբ բռնություն գործադրած դաստիարակի անունը Հերմինե է: