Օլիմպիական խաղերի ամենատպավորիչ կադրն արված է. բրազիլացի մարզիկին լուսանկարել են «օդում սառած»

Ֆրանսիայում Օլիմպիական խաղերի լավագույն լուսանկարն արված է. դրանում բրազիլացի սերֆինգիստ Գաբրիել Մեդինան կարծես «սառել է» օդում։

Այս մասին գրում է Bild-ը:

Աղբյուրը նկատում է, որ ֆրանսիացի լուսանկարիչ Ժերոմ Բրույեն արել է ընթացիկ Օլիմպիական խաղերի, թերևս, ամենադիտարժան լուսանկարը:

Լուսանկարչին հաջողվել է ֆիքսել բացառիկ պահը, երբ Մեդինան բառացիորեն «սառել է» օդում՝ դեպի երկինք բարձրացնելով աջ ձեռքի ցուցամատը։

Ի վերջո Մեդինան վաստակել է 9,9 միավոր՝ սահմանելով օլիմպիական նոր ռեկորդ։ Սերֆինգի աշխարհի եռակի չեմպիոնն Օլիմպիական խաղերին մասնակցում է երկրորդ անգամ։