70 տարեկանում մահացել է փոփ-արքա Մայքլ Ջեքսոնի եղբայրը՝ Տիտո Ջեքսոնը: Այս մասին հայտնել են նրա հարազատները։
«Ծանր սրտով հայտնում ենք, որ մեր սիրելի հայրը՝ ռոքնռոլի Փառքի սրահի անդամ Տիտո Ջեքսոնը, այլևս մեզ հետ չէ», – հայտնել են երաժիշտի որդիները՝ Տարիանո, Տերիլ և Տիտո Ջո Ջեքսոններն Instagram-ում:
Ըստ ԶԼՄ-ների՝ Տիտո Ջեքսոնը մահացել է սեպտեմբերի 15-ին, սրտի նոպայից, երբ ավտոմեքենայով Նյու Մեքսիկո նահանգից մեկնում էր Օկլահոմա։
Տիտոն Jackson 5 կուլտային ընտանեկան խմբի անդամներից էր, որի կազմի մեջ մտնում էին հինգ Ջեքսոն եղբայրները՝ Ջեքին, Տիտոն, Ջերմեյնը, Մառլոնը և Մայքլը:
Տիտոն դարձավ խմբի` կյանքից հեռացած երկրորդ անդամը: 2009 թվականին մահացել է եղբայրներից կրտսերը՝ փոփ աստղ Մայքլ Ջեքսոնը, որը հանրահայտ դարձավ իր սոլո կարիերայի ժամանակ։
.gif)
