ՏԵՍԱՆՅՈՒԹ․ Երգիչ Արամեի ակումբն իրավապահները փակել են. ում են փորձում փրկել

Սեպտեմբերի 27-ին արտակարգ դեպք է տեղի ունեցել Երևանում։

«Արամե մյուզիք հոլ» ակումբից տղամարդ էին տեղափոխել հիվանդանոց։

Ոստիկաններն ակումբում մարմնական վնասվածք պատճառելու կասկածանքով ձերբակալում են Երևանի բնակիչներ 51-ամյա Դավիթ Մկրտչյանին, 51-ամյա Վահե Եսայանին, 32-ամյա Ալբերտ Արևշատյանին և 48-ամյա Արտաշես Աբրահամյանին։

Ա․Արևշատյանը ՌԴ-ում ՀՀ դեսպանությանը կից ՀՀ ՆԳՆ ոստիկանության ներկայացուցիչ Էդգար Արևշատյանի որդին է։

ArmLur.am-ին հասած տեղեկությունների համաձայն՝ նշված միջադեպի գործով հայտնի ՌԴ-ում ՀՀ ՆԳՆ ոստիկանության ներկայացուցիչ Էդգար Արևշատյանի որդին է ձերբակալվել, ապա ազատ է արձակվել:

Ազատ արձակվելուց հետո քննչական կոմիտեում վարույթ է նախաձեռնվել խուլիգանության, ծեծի հատկանիշներով եւ մինչ օրս որևէ անձի նկատմամբ քրեական հետապնդում չկա։

ArmLur.am լրատվականը դեպքի վայրում էր՝ հասկանալու, թե ինչ է կատարվում «Արամե մյուզիք հոլ»-ում, սակայն դեպքի վայրում ArmLur.am-ը պարզեց, որ հայտնի երգչի ակումը միջադեպից հետո իրավապահները կապարակնքել են, ու ինչպես տարածքում գտնվող անձիք էին ասում, դեպքը բավականին լուրջ է եղել ու դեպքից հետո ակումբը փակել են:

Ըստ ականատեսների՝ երգիչը հաճախ է գալիս ակումբ, սակայն դեպքից հետո չեն տեսել երգչին: Փաստ է մեկ բան՝ հայտնի երգչի ակումբից դանակահարված քաղաքացու են տարել հիվանդանոց, իսկ մինչ օրս որեւէ անձի մեղադրանք առաջադրված չէ: Ուստի հարց է առաջանում՝ ում են փորձում փրկել իրավապահները՝ հայտնի պաշտոնիայի որդո՞ւն, թե՞ երգիչ Արամեին:

Մանրամասները՝ տեսանյութում։

Քնար Մանուկյան, Հովսեփ Հովսեփյան